《萬千星輝頒獎典禮2018》12月16日舉行，但TVB今年取消咗新加坡同馬來西亞兩地嘅頒獎禮，改喺11月19日《萬千星輝賀台慶》當晚公佈兩地嘅視帝視后結果，日前已經公佈咗兩地「我最喜愛TVB男、女藝人」嘅提名名單。
陳煒自2012年加盟TVB後，至少拍咗15套劇集，當中有10次擔當主角。而今年參演嘅《果欄中的江湖大嫂》，飾演李夢露剛柔並重，性格角色轉變充滿層次；
《宮心計2深宮計》中嘅太平公主霸道奸險，但全因冇權力，痛失丈夫，自此想掌控一切，多次想做「女皇帝」、對住深愛自己嘅駙馬（曾偉權飾）帶愧疚，陳煒將呢啲錯亂交雜嘅情緒演得出神入化。網民們都睇好佢拎視后，仲話今年視后競爭入面，冇一個嘅表現比佢搶眼～
而喺愛回家之開心速遞飾演大小姐龍力蓮嘅林淑敏今年則獲升格提名「我最喜愛TVB女藝人」。多年嚟，入圍者大部分都係主角級人馬，可以話係「視后」嘅初選。
對住公司嘅人潑辣、對住情人就小鳥依人，佢完美拿捏呢種感覺，引起觀眾嘅共鳴，討得觀眾歡心。佢今次入圍，肯定咗佢嘅努力同演技。
上年嘅萬千星輝頒獎典禮佢獲提名角逐「最佳女配角」，可惜未能得獎，希望今年佢可以攞到「我最喜愛TVB女藝人」喇！
我最喜愛TVB女藝人名單有（排名不分先後）：
林淑敏（愛·回家之開心速遞）
滕麗名（愛·回家之開心速遞）
呂慧儀（愛·回家之開心速遞）
黃智雯（三個女人一個因）
蘇玉華（平安谷之詭谷傳說）
陳凱琳（平安谷之詭谷傳說）
龔嘉欣（平安谷之詭谷傳說）
湯洛雯（翻生武林）
林夏薇（逆緣）
岑麗香（果欄中的江湖大嫂）
馮盈盈（果欄中的江湖大嫂）
唐詩詠（棟人的時光）
陳煒（宮心計2深宮計）
胡定欣（宮心計2深宮計）
劉心悠（宮心計2深宮計）
黃心穎（宮心計2深宮計）
李佳芯（BB來了）
李施樺（天命）
姚子羚（天命）
朱晨麗（特技人）
傅嘉莉（特技人）
周勵淇（再創世紀）
楊怡（再創世紀）
鄧佩儀（再創世紀）
劉佩玥（跳躍生命線）
陳瀅（跳躍生命線）
張曦雯（跳躍生命線）
王君馨（是咁的，法官閣下）
麥明詩（是咁的，法官閣下）
江嘉敏（兄弟）
陳庭欣（兄弟）
劉穎璇（兄弟）
一直以嚟，大馬/新加坡選出嚟嘅視帝視后，都被視為香港萬千星輝頒獎典禮嘅預告，唔知今年嘅結果又會點呢？
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）