除了掃藥妝、買零食，現時不少人去日本旅行都會配眼鏡，貪他們款式多功能性又強。其中一間深受旅客歡迎的眼鏡店JINS近日就落戶香港，帶來型格款式之餘，亦有招牌式30分鐘速配服務。不過照CHOCO話齋，眼鏡又豈是近視者的專利？它絕對是時尚造型的重要元素，所以即使本小姐冇近視，都要去感受下日式潮流，配副眼鏡襯襯衫。
JINS香港第一店選址觀塘apm，1000呎舖面加上日式簡約風格裝潢，令人感覺舒服，揀款的耐性都大增。店內眼鏡分類仔細，門口位大家會先看到品牌的最新款式，右手面則擺放了Screen及Reading系列，再走進一點就會找到小童款式、太陽眼鏡，以及聯乘系列等。
廣告（請繼續閱讀本文）
廣告（請繼續閱讀本文）
廣告（請繼續閱讀本文）
品牌鏡框全部出自東京設計團隊，特別融入當地的流行文化，例如他們剛推出的「日本工藝之美」系列，以竹細工、南部鐵器、和紙為靈感，營造出不一樣的風格。雖然昨日未見新款蹤影，不過相信香港好快都會開賣。
新店開張品牌設有多個限定優惠作見面禮，首三日（9月28至30日）指定款式太陽眼鏡售$99；光學眼鏡售$199，名額合共140個。另外，店內打卡及讚好其社交網站專頁可獲9折優惠。
JINS
地址：觀塘apm Level 2 L2-7號舖
時間：上午11時至下午11時
