財經

想發達定窮到褲穿窿?打破定律 後天努力變富翁

on.cc 東網
更新於 2021年05月06日06:51 • 發布於 2021年05月05日16:23 • on.cc 東網
廣告(請繼續閱讀本文)

發達定窮到褲穿窿,好睇你點使錢;至於點使錢,原來同喺屋企排行第幾有關?美國財務治療研究組織期刊《Journal of Financial Therapy》曾發表研究報告顯示,家中老大、排中間與老孻嘅理財觀念可以好唔同。即刻睇吓有冇講中你?

廣告(請繼續閱讀本文)

【老大:成熟保守 準時找數】

•特點:第一個出世嘅孩子,盡得父母關注,亦受盡父母加諸嘅責任與期望,所以排行最大通常較成熟穩重有自信,但傾向追求較保守事業如法律、會計、銀行業等,貪夠穩打穩紮。佢哋做事有條理、準時找數兼永冇甩拖,好少使大咗。

•缺點:做開大佬、大家姐慣咗乜都攬上身,樣樣都想要,又要退休儲備、短期應變基金,仲要埋仔女教育基金,過於完美主義,結果訂下啲不切實際目標。

廣告(請繼續閱讀本文)

•點解救?分長短期目標,列表出嚟,然後跟住每月一步步咁做。

【中間:儲蓄達人 善於解難】

•特點:排中間嘅,比較難出現喺阿爸阿媽個雷達上,雖然有少少空虛寂寞,但反而令佢哋更有彈性更開放,亦係天生Problem Solver(排難解紛者)同協調者。佢哋天生愛儲蓄,調查顯示佢哋65%有每月儲蓄習慣。

•缺點:以和為貴,結果好易心軟妥協;着緊攞人Like(讚),借錢畀人永冇托手踭。於是?啲錢去晒人度,做咗水魚都唔知。

•點解救?每次有人搵你幫拖,要先諗清楚,學識Say No,打破循環,踢走專搵你笨嗰啲。

【最細:活潑外向 揈錢最叻】

•特點:家庭責任有排都未輪到佢,又最得阿爸阿媽寵,多數比阿哥家姐外向,又Charming(迷人)又玩得,Party(派對)冇佢唔得。

•缺點:使錢最冇譜,事關通常被照顧開縱慣;只睇眼前甜頭,洗腳唔抹腳,長遠目標?咩嚟?

•點解救?畀個改變嘅理由自己,設定行動,並且每日跟進。等碌爆卡甚至搞到破產就太遲。

【研究顯示:阿哥家姐收入較多】

有冇諗過做阿哥家姐會比細佬妹搵更多?有研究發現,家中「老大」多傾向具野心同勇於競爭,學業成績多較出眾。

2013年有研究發現,原來大部分家長對於愈遲出生嘅小孩愈多加照顧,即弟妹嘅受注視程度一定多過兄姊。

亦有研究發現,家中首位出生小孩嘅智商(IQ)以及在學表現一般較細佬妹為好;而細佬妹多數會係家中嘅娛樂或創意人物,多為家人帶嚟快樂;家長亦多數唔會對細佬妹期望好高,反而對阿哥家姐嘅社會期望較高。而阿哥家姐一般喺社會上取得較高職位同收入,但工作滿足感唔及細佬妹。

睇咗咁耐,咁獨生子獨生女點?調查顯示,喺理財方面同排行最大嘅差唔多。

【「高人」賺錢高人一等】

有人提倡靠自己改變命運,不過,原來有時真係天注定。有冇諗過,身形愈高嘅人賺錢愈多?唔公平?但又真係有研究實證。外國有研究喺2004年發現,生得愈高原來賺得愈多。研究將「高」定義為6呎,以工作生涯30年計,結果發現「高人」較5.5呎高嘅,喺整個工作生涯中多賺約130萬港元!

單一研究太片面?又有研究指出,「高人」對自己嘅生活感到更幸福。最近就有一項基於對印尼5,300多名男性嘅研究發現,「高人」喺工作中更有效率;喺長達7年嘅研究中,亦係賺錢較多。

研究亦發現,「高人」受到獎勵機會都更多,例如推銷同一款產品,顧客傾向於購買「高人」所推銷嘅,呢樣亦導致「高人」喺職場有更好發展,收入亦高人一等。

【富豪6大特徵】

歌仔都有唱:「…水瓶座最愛是流淚。」其實何止咁,水瓶座原來仲出咗最多頂級富豪添!點解咁講,原來有外國網站分析咗1996年至2015年全球頂級千幾位富豪個人資料數據,發現呢啲億萬富豪最多係水瓶座!頂級富豪有6大特質,除咗星座外,仲有5樣,睇睇自己有冇富豪相!

1)水瓶座最多

12.5%頂級富豪喺1月21日至2月19日出世,即係水瓶座。人辦有「四叔」李兆基、墨西哥電訊大亨斯利姆(Carlos Slim)、對沖基金經理艾肯(即係專咬住Apple唔放嗰位維權股東,身家有番咁上下)。最弱又係乜星座?為免大家太傷心,都係自己睇個表吧!

2)47%讀到學士

雖然強如微軟創辦人蓋茨或英國維珍創辦人布蘭森大學都未讀完,但原來億萬富豪中有76%讀完大學,47%係學士程度!

3)88%結咗婚

例如Facebook創辦人朱克伯格相對叫做年輕,但亦結咗婚生埋B。

4)通常生4個

呢班億萬富豪只有21%冇子女。佢哋通常生幾多個?生4個最普遍,佔25%;生5個或以上亦唔少,有17%。會否係有錢所以可以生多啲?又係有雞先定蛋先嘅問題。

5)唔興戴眼鏡

有統計,僅41%頂級富豪係經常戴眼鏡。

6)禿頭佔少數

統計指,班千億富豪當中僅21%係禿頭,全部係男性。

【學識10招 5年獲第一桶金】

左面內容太迷信?有外國雜誌曾發表專文理性剖析,只需遵循以下10個步驟,你都可以喺5年內成為百萬富翁。信不信由你!

1.創造財富願景

想喺財務上取得成功,第一步就係創造願景,願景愈詳細愈好,愈量化愈好。由於大腦好鍾意數字同事件,所以願景應該圍繞特定嘅數字同關鍵事件。例如:到2022年1月1日,我嘅目標年收入要達到100萬元。

2.設定短期目標

文章指,每隔90日,就需要回顧過去嘅90日,為接住落嚟嘅90日設定可衡量同有挑戰性嘅目標。短期目標係取得進展嘅方式,制訂時間表對提高工作效率至關重要。每90日只關注幾個關鍵嘅里程碑係創造動力嘅方式。

此外,每隔90日,就需要休息幾日,離開日常環境,去思考、反省、想像、制訂策略同玩耍。喺呢個恢復期,你需要攞出日記簿,花時間回顧過去90日嘅進展。

3.保持巔峰狀態

你已經創造咗能夠激勵自己嘅宏大願景,仲設定咗90日短期目標,幫助樹立信心,等自己喺實現宏大願景嘅道路上不斷進步。依家,你需要一個日常慣例,等自己保持喺巔峰狀態。

4.打造匹配環境

需要一個同未來計劃匹配嘅環境,呢個環境能讓你推動價值觀同願景。大多數人嘅環境就好似一條奔流不息嘅河流,朝住想去嘅方向逆流而上,但係逆流而上需要好大意志力,會令人筋疲力盡。相反,你需要讓環境真正將你帶去想要去嘅方向。

5.結果重於過程

習慣或過程並唔重要,結果先重要。我哋之所以欽佩某啲人,係因為佢哋取得嘅成績同結果。仲有無數人,佢哋都有同樣鼓舞人心嘅習慣,但就攞唔到好成績同效果。因此,你想要嘅結果係乜嘢?得到呢個結果最有效嘅方法係點樣?與其糾結喺習慣同過程,倒不如搞清楚想要嘅結果,然後調番轉頭諗點樣達成。

6.確立理想導師

有錢人工作係為咗學習。窮人工作係為咗錢。咁你崇拜邊個?你嘅偶像係邊個?

邊個正在做你熱愛嘅工作?你會點樣幫助佢哋實現目標?點樣運用技能同能力嚟提升佢哋做緊嘅嘢?

你要學習佢哋嘅工作,同佢哋一齊工作,並學習掌握有用嘅技能。等自己融入佢哋嘅環境,將你嘅技能以機會形式獻出,咁樣可以幫助佢哋取得進一步成功。而喺呢個過程中,你都會學到好多,包括難得嘅知識、經驗同機會。

7.當優秀聆聽者

喺尋求被他人理解前,我們應先努力理解對方,傾聽者嘅角色好重要。當你面對面同人哋講話,可幫助佢哋理清思路,亦可結合對話嚟提供見解。咁樣對方會知道你真係傾聽同盡心幫助。

8.覓人才輔大業

有抱負嘅人經常問自己:「我點樣實現呢個目標?」剛起步嘅時候,呢個係一個好問題。但當視野變得更開闊、時間變得更有價值時,你就需要問一個完全唔同嘅問題。呢個問題就係:「邊個能為我實現呢個目標或幫我實現呢個目標?」與其嘗試諗點樣親自做(How),倒不如搵人嚟幫手(Who)。

9.更新成功定義

若你對成功嘅定義喺過去12個月都冇改變,說明你仲未學到足夠嘅嘢。若對成功嘅定義冇改變,咁就說明你仲未有強大體驗。

10.果斷作出改變

之前獲得過巨大成功嘅人總喜歡沉浸過去,繼續基於已經做過嘅事情嚟解釋佢哋自己,而唔係基於佢哋正在做嘅事情嚟解釋自己。所以,當你知道係時候作出改變時,唔好等太耐。

東網網站 : https://on.cc/

東網Facebook專頁 : https://www.facebook.com/onccnews/

查看原始文章

更多 財經 相關文章

咁都得?|中企自制消費券代出糧 限集團旗下商場「合作商戶」使用 網民:開始玩大富翁了是吧
BossMind
恨愛隊曼聯不成鋼? 傳首富馬斯克擬580億買利物浦 身家2%已夠付款 球迷:聯乘xAI搞機械人球賽?
BusinessFocus
換新鈔2025|新鈔及「迎新鈔」1.7起網上預約 1.14起供換領 即睇匯豐、渣打、中銀換新鈔安排
TODAY布告板
現實版誇誇群|日本大叔靠「街頭讚美」逆轉負債人生 平均每日讚30人賺1萬日圓
BossMind
港景峰3房銀主盤1280萬元推拍,低估價26%
易發睇樓團
離岸人民幣飆升 兌美元曾升近400點子
on.cc 東網
美股早市向好 道指升近200點
on.cc 東網
美股早段向上
商台新聞
3因素續推升金價 華爾街大行年底睇升至...
on.cc 東網
《嚦咕嚦咕新年財》劉德華大宅放租 石澳4000呎巨屋月租50萬
易發睇樓團
黃埔花園三房劈價75萬 獲內地專才承接 呎價險守1萬
on.cc 東網
馬鞍山中心兩房做價跌至386萬元 單位7年帳輸23%
on.cc 東網
加拿大總理杜魯多據報最快今宣布辭職 加元兌港元見5.39
on.cc 東網
美媒指特朗普擬僅就關鍵商品向各國加關稅 特朗普:假新聞
商台新聞
財經|《路透》:中國要求大型基金公司限制股票拋售
Fortune Insight
毗鄰港鐵站+大型商場!新界居屋高層三房呎價「9字頭」成交(多圖)|二手市況
am730
呂宇健筆|新世界違約的可能性|Ken Lui
BossMind
東方日報B1:港營商景氣復甦漸疲 訂單增長3個月最低
on.cc 東網
發展商鬥快開價 將軍澳新項目搶先上價單
on.cc 東網
全港250大型屋苑實用面積二手成交呎價
on.cc 東網
提前12小時洩密領克最新車款 內地汽車KOL或賠人幣500萬
BusinessFocus
新加坡無力增加生育率 龍年新生兒人數不升反降
on.cc 東網
深水埗納米樓一房連平台戶 一手業主蝕讓開價沽貨 仍輸78萬|二手蝕讓
am730
富力地產售秦皇島項目予力量秦皇島
on.cc 東網
內地證券交易所傳要求大型公募基金公司限制拋售股票
on.cc 東網
渣打前保險策劃經理欺詐客戶罪成 遭證監終身釘牌
am730
李偉傑:港股欠向上催化劑 小米回至10天線入貨
on.cc 東網
荔景盈暉臺今年首宗「見紅」 中層兩房635萬蝕沽 7年輸92萬|二手蝕讓
am730
GRAND SEASONS首推138伙 折實平均呎價14773元
on.cc 東網
【王美鳳專欄】物業套現 VS私貸稅貸 急需資金周轉 轉按套現是否必為上策?
BusinessFocus
中國|內地演員王星泰緬邊境失聯 中國駐清邁使館跟進
Fortune Insight
日鐵明日就被禁收購美鋼開記者會 據報多名華府高官反對禁令
商台新聞
峻瀅山海雙景套三房 一手業主劈110萬沽貨 賺130萬離場|二手樓成交
am730
康寧醫院上季住院床日數按年升2.1%
on.cc 東網
東方日報B1:中美貨幣戰 聯匯思蛻變
on.cc 東網
【多相】東九龍兩房連平台私樓「1字頭」推拍 低估價逾3成
on.cc 東網
業主撻租轉短炒 屯門大興花園兩房不足5個月速賺15%離場(有圖)|二手樓成交
am730
高盛:中國股票應在投資組合佔一席
商台新聞
元朗Grand YOHO套三房減10萬 以940萬易主 8年貶值12%|二手蝕讓
am730
據報小馬智行在港未獲批出自動駕駛牌照
on.cc 東網