香港飲食業近年經常被批評價錢貴、態度差,十分「趕客」,最近有女網民在Facebook群組「香港茶餐廳及美食關注組」分享在茶餐廳HK$22買礦泉水,還被侍應鬧,恍如「乞食咁」,批評茶餐廳「垃圾癲」,食到一肚氣。網民對茶餐廳「天價」礦泉水表示震驚,直言「搶錢」。
女事主在茶餐廳用膳時因要食藥惟有捱貴水,但最不忿還是侍應態度差,該帖文開頭已經大罵:「呢間野真係垃圾癲! 」坦言價錢貴已經不是問題,但侍應有如當她「乞食咁」的態度才最令人氣憤,「 我都未講完要咩即走, 跟住我叫佢俾支價格22蚊嘅水(我已經唔係要免費水)我, 佢好大聲咁鬧我,好似我煩住佢咁,痴線㗎。」而且食物質素也差,貼錢買難受。
廣告(請繼續閱讀本文)
有網民留言回應表示認得該油麻地茶餐廳,並稱茶餐廳在區內「出名」難食、態度差、收費貴,但最令網民震驚的是500毫升礦泉水竟索價HK$22,「阿姐,你上去叫支22蚊嘅水,仲要行咁高樓梯,我都以為你痴線嘅。」網民提醒:「隔籬街$3。」「七仔都冇咁貴。」
有網民曲線為侍應解釋:「冇啦啦走入去幫襯,增加咗人哋侍應嘅工作量,要反省。」女事主也表示後悔當時未有立即離開,獲人留言安慰:「唉!攞個經驗啦!下次醒目啲啦!」
廣告(請繼續閱讀本文)
圖片來源:FB@香港茶餐廳及美食關注組、《行運一條龍》劇照
【LINE你睇】每日精選網絡熱話,源源送上新鮮事,LINE你睇唔驚冇話題。
明華 其實黑唔黑店入到去氣場就知,通常都唔得閒招呼你先,攞水要拆紙箱抬開堆亂葬崗,所以待應冇人會嬲嬲。
04月14日03:40
鈴木正三☺️ 開佢名 唔好再有下1個。受害者中招!
04月14日10:35
ロジャー マー 開佢名
唔好再有下1個受害者中招!
04月14日02:15
基斯坦奴朗拿度 500公升礦泉水,點攞😅
04月17日03:00
顯示全部