見工面試對很多人來說都是一件緊張的事，有時就算事先準備幾多都好，臨場一慌亂就直接影響發揮，嚴重者更可能會大腦一片空白，唔知自己講緊乜。部分HR的面試問題亦未必直接與工作技能或經驗有關，近日Threads就流傳一位求職者被HR問「斑馬係黑底白條，定白底黑條？」，引起大批網民熱議，其實HR之所以咁問其實全因為1件事！
打工仔見工面試 HR問怪問題
早前，Threads流傳一個求職者在見工面試時被問及的怪異問題。大多數人都會認為面試的問題圍繞著學歷背景或工作經驗，因此若突然被問到其他問題的話，確實會殺人一個措手不及。有求職者表示試過在見工時，竟被HR提問指「你覺得一隻斑馬係黑底白條，定白底黑條？」，引起大批網民熱議。
背後全為考1事
有指當時求職者聽完之後「呆咗一下」，隨即冷靜地回答「無論乜底乜條，我嘅目標都係帶領佢跑第一！」HR當時「被呢個答案嚇到有啲呆」，但最後都照出offer俾佢，更大讚佢「應變力一流」。分享事件的是一個專門幫後生仔搵工的專頁，發文者強調：「職場問答未必真係要『標準答案』，最緊要係見到你嘅創意同機智」！
網民無奈：HR真係好X煩
以上事件帶出部分見工問題未必需要「正確答案」，但仍然引來大批網民熱烈回應，狠批這種見工問問題的風氣「好X煩」。有網民直言「呢種文化幾X時死，你請人，人搵工，咁X簡單」、「Kam 人夾 Kam 公司」、「問呢條問題係有咩用？係用嚟assess啲乜野？」。亦有網民真心回應，「斑馬實際上係黑底白條。研究表明，斑馬皮膚下面主要係黑色素，而白色條紋係因為缺乏黑色素嘅區域形成嘅」。
原文刊登於 AM730
睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)