破地獄｜電影引發的深刻回憶，曾俊華深情回憶亡父：勞碌一生卻不幸罹癌。近期上映的香港電影《破地獄》，以其深刻的生死題材和精湛的製作，迅速成為票房黑馬，吸引了大量觀眾。前財政司司長曾俊華在觀看這部電影後，於網上撰寫了一篇感觸頗深的長文，回憶起自己已故的父親，並揭示了父親勞碌一生卻不幸罹患癌症的故事。撰文：CK@Medical Inspire 醫．思維 │ 圖片來源：曾俊華facebook
破地獄｜電影引發的深刻回憶，曾俊華深情回憶亡父：勞碌一生卻不幸罹癌。
曾俊華在文章中提到，自己是一個樂觀且能「拎得起放得低」的人，但《破地獄》這部電影讓他回憶起多年前父親的離世，這是他心中最深刻的傷痛之一。他形容父親是家庭的支柱，無論在經濟上、精神上還是情感上，父親都扮演著重要角色。
曾俊華的父親曾是一名教師，為了給四個孩子更好的生活，他決定移民美國。然而，移民後的生活並不如意，父親從白領變成藍領，從事各種辛苦的工作來養家糊口。曾俊華回憶道，父親在他大學畢業後不久便被診斷出肺癌，僅在49歲時便離世。
文章中曾俊華詳細描述了父親的病情發展和家庭的應對過程。他提到，父親在確診後依然堅持工作，直到病情無法再支撐。這段時間對於家庭來說是極其艱難的，但也讓他們更加團結。
曾俊華分享回憶全文：
「《破地獄》這部電影不僅在票房上取得了成功，電影中對生死的探討讓觀眾反思生命的意義和價值，更在觀眾心中引發了深刻的共鳴。曾俊華表示電影讓他重新審視了自己與父親的關係，並感謝父親為家庭所做的一切。
睇完《破地獄》，行出戲院嘅一剎那，心裡面講咗句：「呢齣戲都係相當完美！」，一種久違嘅滿足感。
呢套電影唔單止英文名 Last Dance 改得好，佢哋仲用咗中國人喪禮上面，有時會見到嘅破地獄儀式嚟做戲名，係相當聰明同有多重意義。呢個「地獄」，除咗係指對已逝去嘅先人，亦都係指仍然活著嘅人，佢哋喺人生路上，可能都有唔同嘅困苦地獄，需要去擊破。
我自己都算係個樂觀，可以拎得起，放得低嘅人，所以我唔覺得，自己心底裡面仲有一個等待破解嘅心結地獄。不過，呢套電影就令我諗起爸爸，勾起呢個已經封塵多年最深刻嘅離別。
我爸爸可以話係屋企嘅支柱，不單係喺經濟上，仲有係精神上、情緒上，以至係維繫家庭，好似磐石一樣嘅支柱。佢喺香港本來係老師嚟，過住穩定嘅中產生活，後嚟為咗令我哋四兄妹，有更好嘅教育機會，一家人毅然移民美國。人生路不熟，去到美國冇辦法重操故業，只係能夠由白領變藍領，最初佢去到一家製造罐頭嘅鋼鐵廠工作，後嚟本土製造業息微，佢又跟隨唔少華人嘅步伐，到過一啲大型洗衣廠同餐館打工。我細個嗰時就已經意識到，呢啲係好辛勞嘅艱苦工作，但係爸爸為咗屋企，一直任勞任怨咁工作。
不過，上天並無眷顧我呢位默默勞苦顧家嘅父親。喺我大學畢業後，剛剛踏入社會工作頭一兩年，屋企就突然傳來噩耗，話爸爸患咗肺癌。當年醫術比依家落後得多，確診之後，病情急轉直下，冇幾耐，我同兩個喺唔同省份讀緊大學嘅細佬，都收到屋企通知，要趕返紐約跟爸爸道別。爸爸撒手人寰之時，只有 49 歲。可想而知，佢嘅離去，對我哋一家人係幾沉重嘅打擊。如今我都已經比我爸爸老喇，但係思念猶在。
喺我父輩或者祖父母嗰一輩人，對死亡呢個問題好避忌，甚至喺生活日常，佢哋都唔畀我哋提個「死」字，因為佢哋覺得單係「死死聲」，已經會為家庭帶嚟不幸。
我仲記得喺我細個嗰陣，如果幢樓有人喺屋企死咗，啲人係要特別搭個棚，然後喺個窗或者露台嗰度，將載住先人嘅棺木搬落樓，因為佢哋會認為，屍體經過嘅地方，都係不祥嘅，甚至覺得會惹嚟鬼魂。以前啲人通常都會迷信一啲，而《破地獄》就好有教育性，透過唔同嘅人物故事，探討超越死亡嘅各種愛同情，父母子女之情、兄弟手足之情，以至刻骨銘心嘅愛情。兼任編劇嘅導演陳茂賢，喺疫情期間，經歷外婆同多位親人嘅離去，令佢對死亡同親情有好深刻嘅體會，相信亦都係咁，令佢可以寫出一個咁完整、咁動人嘅劇本，而喺戲裡面每個故事都咁細膩動人，仲可以有完整嘅交待，加上許冠文、黃子華同衛詩雅各位演員嘅出色演出，令整套戲真係好完美。
我相信入場嘅觀眾，總會喺電影劇情當中，睇到曾經刺痛過自己嘅一啲人生片段。講到底，死亡係每個人必經之路，喺面對死亡嘅同時，放低過去纏繞不解嘅心結或者怨憤，向前走，先至能夠真正破除心裡面嘅無間地獄。」
肺癌是全球最常見的癌症之一，尤其在吸煙者中發病率更高。根據世界衛生組織的數據，肺癌每年導致數百萬人死亡。
肺癌同為香港頭號癌症殺手，據香港癌症資料統計中心2020年數據，肺癌新症有5,422宗，較10年前急升21%，死亡個案更錄得3,910宗。在亞洲肺癌患者，有80%屬非小細胞癌，最常見是與表皮生長因子受體（EGFR）基因變異有關。另一種常見的基因突變是ALK(間變性淋巴瘤激酶)。而與吸煙有關的小細胞肺癌，僅佔整體肺癌個案不足20%。由於肺癌早期可完全無病徵，再加上難以分辨，但原來腫瘤可透過血液，把癌細胞轉移上腦。在各種基因變異肺癌中，EGFR患者確診時有三至五成已出現腦擴散，超過五成ALK患者確診時有腦擴散。香港防癌會癌症教育小組委員會委員李浩勳醫生指出：「當癌細胞影響腦部，就可能出現認知及語言能力受損，當中包括口齒不清、記憶力衰退和混亂、頭痛，嚴重者更可能失憶、失去自理能力等。當中部分徵狀與長新冠的腦霧很相似。」患者有機會誤以為「腦霧」，並透過自行購買保健品來改善徵狀，有機會因此錯過最佳治療時間。病人存活期有機會僅得3至6個月，惟若及時接受標靶治療藥，存活期可延長至3年或以上。
早期肺癌缺乏明顯症狀，大部分肺癌病人有機會因為病情進一步惡化，才出現以下明顯病徵：
·持續咳嗽
如腫瘤位於氣管，氣管受到刺激便會咳。咳嗽未必嚴重，但屬持續性，如持續咳嗽一個月沒好轉。很多長期吸煙者本身已經常常有咳嗽，因此有機會不易察覺此病徵
·痰中帶血
當位於大氣管的腫瘤流血時，咳嗽時痰便會帶血
·氣喘
當腫瘤阻塞氣管，造成氣喘。同時當腫瘤分散到肺部不同位置，影響肺功能。若然腫瘤擴散至胸膜，造成肺積水，令肺部不能澎漲而影響呼吸，氣喘會令病人減弱活動能力
·胸痛
肺部腫瘤本身可令人感胸痛，又或腫瘤擴散到胸膜，當咳嗽或大笑時磨擦肺膜會感胸痛
·聲沙
聲帶神經線於肺中間經過，當腫瘤壓著聲帶神經線，便會影響聲帶的活動，導致聲沙
·體重下降
沒有明顯原因的體重下降
·整體身體不適
如很容易疲累
·頸部淋巴有腫塊
若摸到頸部有腫塊，應求醫檢查