廣告（請繼續閱讀本文）
廣告（請繼續閱讀本文）
內地歌手汪峰同影后章子怡結婚8年，未料2023年10月無預警宣布離婚，消息一出震驚各界外，「三結三離」嘅汪峰更於去年5月20日認愛百萬網紅李巧（森林北）。而喺近日，就有網友喺社交網晒出汪峰台上演出相，只見一身皮褸緊身褲打扮嘅佢，似乎發福唔少，近乎撐爆嘅皮帶，更係引嚟唔少熱議。
每次出新歌都會遇上演樂圈大事嘅汪峰，去年底宣布要出新歌嘅佢，被問到每次熱度都被搶嘅心情時回應道：「這個原因我和我的團隊都不得而知。」表示自己冇關注娛樂新聞，剩係覺得某程度上「因禍得福」，作品被「提高了關注度」。而日前開騷嘅汪峰，更被晒出兩張嚴重發福照，只見身穿皮褸襯緊身牛仔褲嘅佢，肚腩大到皮帶都差啲扣唔上，引嚟唔少網友留言道：「汪峰的肚子，我的媽呀，不做身材管理的嗎？」、「皮帶辛苦了！」、「都勒成這樣了還堅持穿緊身褲加皮衣。」、「過年了他注意點吧！」、「支持男性身材管理自由。」、「這個年紀發福是正幣生理現象的，但歌星上台還是得自律呀！」
東網網站 : https://on.cc/東網Facebook專頁 : https://www.facebook.com/onccnews/
廣告（請繼續閱讀本文）