亞視1997年劇集《肥貓正傳》，因鄭則仕在劇中飾演智障人士「肥貓」神似而成為經典。近日，有網民貼出劇集中其中一片段，以「#性教育的重要 『早啲瞓早啲䟴䟴』」為標題，又再次引起熱烈討論。
鄭則士當年飾演肥貓，表情動作令人留下深刻印象。劇集中，肥貓與輕度智障的阿芳（寶珮如飾）相戀後結婚成為夫妻。網民貼出的一集，內容講到「肥貓」要求跟阿芳早點睡，希望「早啲瞓早啲䟴䟴」，阿芳即要求他拿安全套。「肥貓」問︰「又要用個安全帽呀？我今晚想唔用呀！」阿芳糾正他︰「唔係安全帽，係安全套。唔得㗎，你媽咪同我媽咪話一定要用，唔係搞出人命。」「肥貓」出招說︰「嗰啲安全套用晒喇！」阿芳回應：「咁唔瞓覺住。」
網民剪輯加上另一集，外父得悉女兒懷孕，質問「肥貓」有否用安全套︰「你用邊隻牌子咁唔安全呀？」，原來「肥貓」怕安全套被老鼠咬，將全部套套穿起掛在牆上，令外父外母十分無奈。
此精華片段隨即在網上瘋傳，不少網民表示︰「以前尺度咁大嘅」、「依家播會俾人話歧視同投訴教壞人」，亦有人指「唔係以前尺度大，係而家不斷自我審查再審查」。
有網民讚編劇同演員︰「嘩，編劇好勁呀」、「佢哋可以忍住笑咁拍真係勁」、「TVB下下估到，亞視設計呢下真係估唔到」、「咪玩大囉，而家大台差不多套套劇都上床戲」。
鄭則仕1985年憑電影自編自導自演電影《何必有我》中「肥貓」一角，奪得香港電影金像獎影帝殊榮。他曾透露，當年為演好角色，與劇組到訪智障人士學校進行了解，更曾表示「肥貓」一角是他最愛的角色，其後亦開拍《肥貓流浪記》。
1997年《肥貓正傳》在亞視播出時，因為劇情貼地非常，有笑有淚，十分受歡迎。鮑起靜演繹「貓媽」亦奠定她在不少影視作品中慈母的角色。劇集當年結局周有15點收視點，在周末播映大結局一集，更達20點收視，成為亞視當年最佳成績，更逼使無綫電視同期劇集《大刺客》被腰斬。
