岩岩係一年前去開office 附近發覺有呢間cafe
今次再訪都多左幾多唔同款式嘅食物同飲品
例如: 椰菜花飯 / 油畫吐司/orange black 等
店舖嘅signature 咸甜baby Dutch pancake 同虹吸咖啡☕️
可能位置比較隔涉 近工業區 不過都近南豐紗廠～
所以較清靜
店舖以黑色為主調 感覺簡約型格之餘
亦有一種時尚感🖤
今次負責虹吸嘅barista 唔係到 有機會再試試
最印象深刻就係佢地第一同第二印象理念
第一印象係靠外表、只係刻板嘅印象
第二印象就係長時間、經得起考驗～
太妃焦糖醬香蕉＆棉花糖 配特濃巧克力冰淇淋
荷蘭寳貝班戟 $82
剛才講過Dutch pancake 係signature
幾鍾意呢個combo😆
健康完再邪惡下balance 番😈
Pancake 邊位同底部都幾香脆同薄身
蛋香稍為比焦糖醬同棉花糖蓋過左
更喜歡焦糖香蕉餡 係幾好食甜度無想像中甜！
棉花糖有強勁拉絲效果(不過無影到😂)
朱古力雪糕都夠濃😋
之前食過berries 味相對較清新
但我個人口味更鍾意香蕉🫶🏻
煙三文魚奶油起司、烤蘑菇櫻桃蕃茄酸種麵包
(配粉紅地瓜泥| 羽衣甘藍沙律) $80
基本上呢個組合唔會伏☺️
一款係煙三文魚+ cream cheese
另一款係磨菇+車厘茄配自家製粉紅地瓜泥
整體感覺健康輕盈
地瓜泥都夠甜 粉紅色更吸睛 更容易入口
底部就係sourdough toast 邊位微脆
係覺得餡濕啲 所以吐司會腍左～
另外伴碟有羽衣甘藍沙律
特別在用左黑芝麻醬做base 都幾香芝麻味😆
2nd bowl $88
本身自己都幾鍾意食granola 🖤🖤
佢有四款口味:竹炭/紅肉火龍果/蝶豆花/抹茶
揀左竹炭味係新item ☺️ 本身就無咩味嘅
另外加左香蕉、莓果、奇亞籽、granola 🫶🏻
健康得黎又幾有飽肚感
甜度主要來自生果同蜜糖～ 稍為再減甜就更好
Pink Lemonade matcha $52
上層係matcha 下層係pink lemonade☺️
主要飲到lemonade 嘅味多啲
但兩者係幾夾 中和番抹茶嘅苦澀
夏天飲幾好 夠解渴🫶🏻視覺效果💯
Matcha latte $52
本身想試另一杯類似espresso tonic 嘅
orange black😳不過無晒
最後都係揀左matcha🤣
用左山政小山園抹茶粉～
雖然無latte art 但入口都幾順滑 算唔錯 👌🏻
隻全黑杯幾型 keep 到温度🫶🏻
📍Second impression @secondimpression
荃灣沙咀道 129號
➖➖➖
分數💛(10分為滿分)
食物質素:7.2/10
環境: 8/10
服務: 7.5/10
價錢:7/10
回頭率:65% (syphon ☕️)
▼Follow @sa_foodieadventure