最近朋友話想食日式串燒，問我邊度好，我就真係唔知，於是上網搵下邊間高性價比，就搵到大埔呢度有間好似幾平，又大份，遠就遠左少少，但感覺上好似平過市區好多，所以就由錦上路搭巴士過黎試下，一程車就到。

LUNCH HOUR黎到已經有好多檯客，真係估佢唔到LUNCH都咁多人係度CHILL。

廣告（請繼續閱讀本文）

由於朋友佢係主力想食串燒，所以都無叫太多其他立雜野。賣相都好靚仔，食指大動~~~

廣告（請繼續閱讀本文）

同佢合照先~~~

IG: Mr.travelgenius / YouTube 窮遊達人 TIMBEE LO

我地點左兩款酒，一款係Little Creatures Pale Ale 啤酒 $49，味道較苦，唔算易入口，不過食完咸野再飲就清爽好多，去油膩感！

廣告（請繼續閱讀本文）

另一款係Margarita 雞尾酒，杯邊全部都係鹽，我朋友話好鍾意好好味好正，但我飲左一啖，嘩杯邊D鹽好多咸到死，D酒又好濃烈，痴線，我睇黎應該飲返汽水算……唔識欣賞。

Little Creatures Pale Ale 啤酒 $49 + Margarita 雞尾酒 $89

睇返串燒，賣相好好，價錢都唔算貴，所以可以放膽咁叫。

先黎介紹下

燒日本博多雞子$29

我咁大個仔第一次食雞子，因為平時無乜機會食，呢度居然有，所以一試！

原來燒起好好食，咬開裡面好多好似魚子咁嘅感覺！好香好食！令我愛上左雞子！

燒日本博多雞子$29

豬頸肉$22

不過不失，驚喜唔大，正常。

豬頸肉$22

日本博多雞心$33

呢串雞心好好食，好香，但乾左少少，可能因為太細粒唔多水份，但$33就感覺好似細份左D，不過日本博多黎嘅，可能真係得咁細粒。

日本博多雞心$33

車里茄雞脾肉串$24

我覺得呢個雞肉好好食，好嫩滑，雞肉味濃，但衰在唔夠大串，唔夠大滿足，真係要一人一串，唔可以SHARE

車里茄雞脾肉串$24

芝士雞脾肉串$23

芝士雞脾肉呢個就多D雞肉，SHARE都OK，但芝士味好搶好香，但變左雞肉味淡左，反而車里茄個配搭食得出多D雞肉味，真係各有各好。

芝士雞脾肉串$23

見完唔夠喉，再追加左一份燒年糕+燒白鱔

燒年糕+燒白鱔

燒紫菜年糕$26

呢個係我朋友堅持要點，佢個醬油甜甜地，有少少紫菜，食落幾惹味。

我就覺得麻麻，但佢覺得好黏糯好好味，我食左一啖係OK嘅，但我平時自己唔會考慮呢個單品。

燒紫菜年糕$26

鹽燒鮮白鱔串$58

超好食呀!!!!! 痴線好食到癲左，勁厚肉勁嫩滑多汁，雖然佢好貴58蚊串，但其實我去街市睇過白鱔一條尾都要HK$100，所以成本真係好高，反而可能利潤最低係呢個，真係好大串好好食！原來鹽燒咁好食，平時多數都係食照燒，因為照燒係用甜醬油，鹽燒有另一番味道，好鮮！

鹽燒鮮白鱔串$58

見到佢有好多款牛串，唔放過都要試一兩款！

安格斯牛肉露荀串$38

牛肉唔厚，露荀好爽脆，幾好食，但有少少貴。

鹽燒牛舌芯$33

呢個都有少少厚切，幾爽，有鹽同黑椒味，味道簡單唔複雜，食到好重牛舌香。

不過都唔算好JUICY，未夠厚，再厚D先可以好JUICY咁鎖住肉汁。

之後再點左一堆飽肚野

睇餐牌見到呢個炸厚切薯片串，咁得意所以點左。

$19黎講係OK，其實好似食緊炸薯角，唔算特別，正常。

特濃芝士薯條$98

真心我對呢個芝士好唔滿意，因為佢只係用左一塊卡夫芝士，正常你應該用Mozzarella Cheese，焗完會有拉絲效果同感覺，咬落要有彈牙嘅口感，但佢只係得一片芝士，芝士亦滲唔到落下面底，而且要100蚊一碟，計落其實唔平，Mozzarella Cheese其實都唔係好貴唧，點解唔用Mozzarella Cheese????? 呢個薯條好扣分。

特濃芝士薯條$98

最後叫左個飯埋尾，因為佢LUNCH有飯可以點。

點左呢款照燒豬扒飯$78，味道係甜醬油燒豬肉，都幾好食，夠飽肚。

照燒豬扒飯$78

整體黎講，串燒做得出食過小食類，串燒整體都唔錯，最驚喜係雞子+鹽燒白鱔，而芝士薯條最令人失望。

下次再黎要主打雞子同白鱔