林作暗寸麥明詩抨擊塗黑演外傭？「唔通林作就要搵林作扮咩」

TVB劇集《金宵大廈2》上周播出以來反應熱烈，單元四《姐姐》由黃婉華飾演的菲律賓外傭Louisa更大獲讚賞。不過由於她刻意為角色將自己塗黑，這個舉動引起國際迴響，麥明詩（Louisa）亦有關注事件，認為「香港如果能夠俾多啲機會少數族裔演出，represent（代表）返自己種族，而唔係由另一個種族去represent，唔係更好咩？」

這個議題近日掀起不少討論，而麥明詩前男友林作亦在IG出文表態，其中一篇貼出以往扮過「林作」的角色，他寫道：「唔通林作就要搵林作扮咩？」

另外，林作亦引用Netflix神劇《Bridgerton》分享感受，寫道：「Bridgerton，一套Netflix神劇，Regency Era英國古裝戲，起用黑人扮演當時貴族，我完全睇唔落眼，睇咗5分鐘就轉台。睇唔落，係因為我認為黑人冇可能喺當時出現並成為英國上流份子，因此我無法代入個戲嘅劇情。英文，叫做 not believable.」

「好了，我係咪講緊要白人先可以做到呢種戲呢？又唔係。而係我認為如果黑人演員扮演只會係白人嘅角色，就唔該你真係塗白自己膚色令我望落覺得你係白人。忘記依家係黑變白，還是白變黑、變黃、變啡。都唔重要，個point僅僅係A變B。其實件事就係咁簡單。咪理啲左膠、女權主義L等當代荒謬嘅trendy理論。」

「華人女演員要扮演菲律賓人，就係要入型入格，觀眾才會相信，這根本就是造型設計的一部份。如果佢個樣望落似港燦多過菲律賓人、講嘢用番原本加拿大口音英文，你覺得觀眾會收貨嗎？TVB完全不應該道歉，甚至應該理直氣壯地解釋 - 難得香港仲有空間可以咁做，唔似左膠橫行嘅西方。」