灣仔屹立 45 年嘅快樂餅店去年結業時引嚟好多慨歎聲，幸好仲有馬鞍山店而灣仔店亦剛剛重開！重開嘅位置就喺舊店隔數個舖位，新店命名為「快樂麵麭」，剛開店已即時大排長龍，到了 lunch 時段店內打蛇餅至店外，人龍約有20-30 人！
廣告（請繼續閱讀本文）
人氣產品忌廉筒、雞批、沙翁、蛋撻當然有售，麵包櫃內忌廉筒幾乎長期缺席，因為每當店員拿出一盤忌廉卷，仲未走到麵包櫃已被客人全部夾走。
蛋撻分別有酥皮及曲奇皮，更引人注目係高身嘅布甸蛋撻，內有芋泥及麻糬餡料，曲奇撻皮十分香脆，而蛋漿布甸餡入口滑溜。由於流量快基本上買到嘅出品都係新鮮出爐，熱辣辣食令人忍不住一口接一口！
廣告（請繼續閱讀本文）
新品仲有多款麵包，包括麻糬紫薯貝果、外脆內煙韌嘅麻糬波波、咖啡麵包、布甸麵包等，甜品類別仲有精緻嘅巴黎泡芙。
廣告（請繼續閱讀本文）
除咗餅店重開仲有另一個好消息，店內貼出海報預告 4 月中將開設另一新店，係快樂餅店與順景茶餐廳 crossover，會喺銅鑼灣蘭芳道以「快樂順景」名字登場，值得期待啊！
地址：灣仔皇后大道東66-68 號
營業時間：6:30am-8:30pm