剛過去的情人節，相信不少女生都會收到男友精心挑選的情人節禮物，然而，不是所有男友都會那麼貼心和認真對待情人節。日前，一位港女在討論區貼文分享男友在今年的情人節中送了她一個二手袋，令她當場呆了。帖文發出後，一眾網民替她不值，紛紛勸她分手。
男友不懂浪漫 又不好儀式感
事主表示男友比她大8年，是個不懂浪漫又不好儀式感的男生，自問與他一起的日子已經對此習慣了。在這大半年的時間，無論遇上什麼節日或生日，都是事主自己去買蛋糕，預約餐廳，預約酒店Staycation等等。上年的情人節，男友直情忘記了這件事，雖然如此，事主仍然細心地買了男友一直想要的按摩槍給他做情人節禮物，反之男友卻什麼都沒有為她準備，雖然內心失落，但事主見男友收到禮物的開心樣子，當時就沒有責怪他。
情人節居然收到二手袋作禮物 事主：寧願佢乜都唔送
今年的情人節同樣由事主一早預約好酒店Staycation和Buffet和男友慶祝，事主知男友這兩年來一直想要部Switch，便買來作為情人節禮物，但同樣地，男友一樣什麼都沒有準備，男友對於事主花費了幾千元感到不好意思，於是決定買份同樣價值的禮物給她，但結果事主收到的是一個二手Chloe袋！令她當場呆了。
收到殘舊二手袋作禮物又被男友挖苦 委屈痛哭
事主認為二手袋也罷，但該二手袋又殘舊又髒，有好明顯使用過的痕跡，而袋內留有許多原子筆和化妝品痕跡，即使事主用3張濕紙巾清潔，仍然是十分污漕。本來事主打算當什麼事也沒有並沒有說話，誰知男友不斷強調該二手袋都價值幾千元，反指女友收到禮物還不高興，還表示：「點解要咁在意二手姐、你咪當係自己孭耐咗孭舊咗囉，而家興古著呀！」然後更說他的同事也會買二手袋給女朋友，他們也肯使用，想不到事主那麼介意，還表示這個袋原價貴，見在某鋪頭價錢平許多才買來哄她開心，說著說著，事主忍不住哭了。
男友退回二手袋 不准再舊事重提
翌日，男友見事主不喜歡那個二手袋便退回店鋪，然後表示當無事發生過，不准再提亦不准再生氣。事主表示自己不是渴望男友送什麼貴重的禮物給她，只是想男友重視她，更表示她對男友要求低到對方只要肯送一粒朱古力給她便已足了，當時收到那殘舊的二手袋，心裏感到好侮辱，真的寧願他什麼也不送。
網友：佢根本唔在乎你 分手啦
帖文發出後，不少網友留言紛紛替事主不值，更認為應該要分手，已經不是禮物價錢還是一手、二手的問題，是男友根本不重視兩人的關係，正常人也不會送二手禮物給別人，感覺很不尊重。更有網友分享金句：「肯洗錢喺你身上嘅男人唔一定愛你，但係唔肯洗錢喺你身上嘅男人一定唔愛你」，勸事主相信自己值得更好。
原文截圖：
原文：Dcard討論區
Moon🌙Lady 分分鐘個衰人可能只將女事主當小三，想免費消費女事主既青春同金錢！所以先會咩都唔做唔care
2022年02月22日08:15
N 呢啲男人千祈唔好同佢結婚，因為佢只會對你更差～
我老豆就係呢啲人，介意錢，送禮物唔係因為節日，純粹係想過到個面子～鍾意就送唔鍾意就唔送，屋企要買風扇就話送個風扇俾我阿媽做生日禮物～我成世人只收過我老豆送一份生日禮物，係一個書架，佢話要黎俾我升中讀書用，當日我阿妹都有一個，但我8月生日我妹4月生日🌝
呢啲男人唔好望佢會做家務，屋企幾亂都唔會做；佢返到屋企就只會睇報紙睇電視，我哋小朋友功課唔理，執屋煮飯唔理，買米都要我阿媽自己抬！佢覺得返工就係對屋企最大付出，亦係佢唯一需要付出，阿媽病左痛到瞓喺床，都依然係阿媽起身煮野食執屋；每年大掃除佢只會執自己個書櫃，其他野都唔會執，有啲男人會幫手洗下抽油煙機，佢？咪就係留俾我阿媽同我洗！總之佢覺得家務只可以女人做，仲大男人過我老爺（我老爺係水上人），我老爺至少會洗衫收衫摺衫！我老豆唔識用洗衣機，你知唔知佢講咩？佢話「我啲衫以前都係手洗，點似得你哋要用洗衣機？」；到洗衣機壞咗，佢為咗唔駛俾錢買新，真係自己用手洗！（當時阿媽已搬離）
佢係自私到你驚，做家務只會做自己，連掃地都只會掃自己房！萬一大病要駛錢你都仲要受冷言冷語！你話點同佢過世？
2022年02月22日03:25
奀仔 試下佢生日時妳又什麼都5做，睇下佢反應，如果佢發哂脾氣，咁呢個男人可以飛得。
2022年02月22日03:03
真心，我唔介意任何禮物，底線一百蚊以上，唔好比我感覺只係剛剛街上隨意買，有小小心意就可。但就一定會好抗拒二手。
2022年02月22日02:27
B 唔post個袋出嚟睇吓有幾殘舊？講真咁委屈做乜要忍？
2022年02月21日10:48
顯示全部