【體路專訊】正在菲律賓馬尼拉備戰「AFC冠軍聯賽二級聯賽」（亞冠二）E組作客FC卡雅的東方，昨晚（21日）約8時許在球會官方社交平台發放一條爆笑短片，由林衍廷扮演電影《賭聖》中周星馳所扮演的角色，呼籲球迷購票入場支持11月7日主場對卡雅之戰。今季由標準流浪來投的他對於「扮鬼扮馬」拍攝宣傳短片感到新鮮，又笑言：「球會賣到飛應該分少少畀我囉！」
廣告（請繼續閱讀本文）
林衍廷因為拉傷大腿已休息了4場賽事，也因此絕了港隊徵召，尚未完全康復的他預期周四晚上陣機會不大，出發到馬尼拉之前，會方特別找他在FTC拍了一條宣傳短片，昨晚播出時正值球會晚飯，一眾隊友看到也捧腹大笑。
「FatGor」今日向《體路》表示，終於明白當演員也不是易事：「講真，我真係體會到啲人嘅辛酸，我收到對白以為好短啦，點知落到場兩句就唔記得咗！」幾經追問下，他才尷尬地承認，拍攝時在畫面外有職員寫大字報提供字幕，「但係其實我都記得嘅！」
廣告（請繼續閱讀本文）
談及今次跳入演藝界的「處女之作」在網上引起極大迴響，他笑言：「其實呢，我覺得球會賣到飛，應該分少少畀我囉！」之後他彷彿完全投入了角色，笑匠「上身」得寸進尺：「我希望身邊嗰個唔係Timmy（馬希偉），應該好似『星女郎』咁，有個女郎喺隔離……」球會也食髓知味，今晚8時30分為他透過球會社交平台開Live，跟球迷直接對話！
廣告（請繼續閱讀本文）
圖、文：文森特
《體路Sportsroad》
屬於香港人的體育新聞平台
Facebook: https://www.facebook.com/Sportsroad/
Instagram: https://www.instagram.com/sportsroad.hk/