於無綫綜藝節目《呃錢》首集中自稱被婚介公司欺騙的黃先生因自讚有「Baby face，點會無市場」而成為網民熱話，被網民封為「何太2.0」的他後來更公開向《東張》女神梁敏巧示愛，揚言要在30日內成功追求到她。林盛斌（Bob）昨天（1日）在社交平台上載年少時與大班朋友的合照，相中的他當年只有17、18歲，頭髮濃密，額上的瀏海更長到幾乎遮住眼睛。
阿Bob說︰「用雙氧水染啡啲頭髮再留兩條曱甴鬚去遮少少眼，上身綠色Polo，再整條紅色燈芯絨牛仔褲，呢個look嗰期真係咩女都俾我溝晒…… 嗱嗱嗱，我呢啲就真係叫Baby Face啦，到了這一刻我終於望通透，其實愛情真係冇嚟過！」好友區永權留言︰「既有Baby face，又有健談能力，咁有市場，你玩晒啦！」
（即時娛樂）
廣告（請繼續閱讀本文）