廣告（請繼續閱讀本文）
內地電商競爭激烈，除咗購物優惠、服務升級等招數吸客之外，就連宣傳都要搞搞新意思。京東集團(09618)旗下採購團隊組咗隊饒舌(Rap)組合，仲自創咗首《披荊斬棘的採銷》，唔止將今年購物優惠唱出嚟，亦蘊含消費者嘅購物心情。
最頂癮嘅係，早排引起市場熱話嘅月餅事件、直播帶貨主播寸嘴言論等，都被攞嚟做歌詞，台下即時笑唔停。絲絲都忍唔住抄低，「有個BOY說他的月餅來自香港，定睛一看裏面不曉得名堂，可憐我們消費者不斷不斷上當，還會被反問工資漲沒漲」，唔知大家又有無共鳴呢？
另外，國產知識產權(IP)遊戲《黑神話．悟空》係近期嘅「流量密碼」，公司喺購物優惠期內續與其合作，仲請嚟「天命人」上台講優惠，認為「跨界聯乘」已成為消費新趨勢。
廣告（請繼續閱讀本文）
東網網站 : https://on.cc/東網Facebook專頁 : https://www.facebook.com/onccnews/