陳淑蘭直播認曾摑情敵莫可欣　最嬲方中信：唔止一巴

陳淑蘭(蘭子)早前去到伍仲衡和周國豐的直播節目，在三個多小時的節目中大爆不少秘聞，當中提到當年和方中信拍拖四年，有傳被莫可欣介入，她怒摑敵敵，她更直認：「唔止一巴，講完就算喇，但我至少答咗啦，係咪？」不過說到最嬲：「我好嬲係嬲個男人，嬲個男人呃我。」

在直播節目中，她提到自己已經五年沒有拍拖，不過每兩星期去一次旅行，而且家中有十隻小動物，不會寂寞。而說到拍拖次數，她指十隻手指應該數得完，而且大部份舊愛都能做回朋友，如祈文傑，甚至他的現任女友都由她撮合。
亦大方提起方中信，主持問圈中三大靚仔，她就回答是張國榮、方中信及黎明。被問到方中信性格惡不惡，她又若有所指地回應：「惡唔惡睇下你有無得罪佢囉，唔得罪佢應該唔會惡嘅。」

她亦個節目中直認打Botox：「「我咬肌比較大，打Botox係令肌肉瞓覺，嚿肌肉會扁，我而家冇乜效，兩個月唔夠就再打。」而且不會覺得膠：「點解你哋覺得膠，因為啲人譬如發嬲，係應該有表情、有紋，冇，你咪覺得膠囉。但我打呢嚿肌肉唔會有Facial Expression，肌肉點會有表情？」而做醫學美容以來，原來亦曾遇意外：「我出事因為遇到壞人，嗰時話Botox要醫生打，嗰條友夠膽扮教授，小喇叭！佢幫我打頸紋，又唔係醫生，亂咁打，啲神經線咪唔知去咗邊，跟住我開始有吞嚥問題，平時會自動分泌口水，但打完口水唔夠，吞唔到嘢。」

而早年有傳聞指她為情自殺，蘭子則承認曾割脈，但是因為91年父親過身後患有情緒病，曾狂燥、抑鬱、輕微社交恐懼。
演戲方面，原來她曾推拍《家有囍事》：「高志森搵我去半島酒店傾，嗰時我Daddy過身冇耐，我個人忽忽地，我同緊一個人拍拖，我好驚自己會紅，覺得會影響我哋感情。去到半島酒店，高志森話呢套戲有毛舜筠、哥哥、張曼玉。」不過最後被高志森勸說是難得機會，亦說哥哥、張曼玉等全無架子、好體貼，令她可以放鬆。

拍完戲，亦推拍海報：：「我依家見返黃老闆(黃百鳴)，佢都話：『你嗰陣時好寸喎，叫你影海報都唔影。』我話我好驚，唔想出嚟見人，原來佢一路都覺得我係一個唔紅嘅人，喺度學人擺紅架子。」