廣告（請繼續閱讀本文）
無綫藝人林景程於今年台慶頒獎禮憑《反黑英雄》首奪「最佳男配角」獎，唔少人戥佢高興，尋晚（6日），好友孫慧雪（阿雪）晒出同一班朋友賀林景程得獎嘅飯聚合照，阿雪為林景程準備蛋糕，但拿出蛋糕時發現蛋糕牌上的「最佳男配角」，竟寫成「最佳男西己角」，即引來哄堂大笑。雖然餅店員工那手字，將「配」寫到拆開，變成「西己」，但鬧成笑料，更添歡樂氣氛。
廣告（請繼續閱讀本文）
事後阿雪發貼文，她留言：「再一次恭喜Lam King Ching攞咗最佳男西己角（個蛋糕牌係咁寫）。」主角林景程亦取笑那位員工︰「好想見吓寫牌嘅員工，一定係一個好幽默嘅人。」有份出席的林秀怡亦謂︰「呢個朵夠響 男西己角」。
阿雪又分享當晚見到林景程得獎時嘅表現：「話說佢攞獎時，我喺屋企喊到兩行眼淚！然後我老公都呆晒〜一直都好努力嘅林景程你值得擁有！等你攞最佳男主角！」她希望下一年輪到好友林秀怡攞獎：「希望你快啲攞獎，我一定會喊到豬頭咁！因為秀怡都係好叻好努力嘅主持同演員，我相信一定會愈來愈多人見到！」
東網網站 : https://on.cc/東網Facebook專頁 : https://www.facebook.com/onccnews/
廣告（請繼續閱讀本文）