方泳琳拍《大力情人》時未知已懷孕　曾做多項危險動作：諗返起都牙煙

現年36歲、被稱為「籃球女神」的方泳琳（Jessie），於2023年與前甲一籃球員陳張敏（Ryan）結婚。早前以夫妻檔參加ViuTV《大力情人》，兩人不時要爬高爬低，又有不少如摔角的推倒動作。方泳琳表示，在拍攝最後一日都未知自己原來已經懷有身孕好幾周，「諗返起都牙煙」。

方泳琳今日（4月8日）在社交平台分享幾張腹大便便的照片，寫道：「終於可以同大家分享呢份喜悅啦！我哋一直都好鍾意小朋友，所以結婚之前已經做晒婚前檢查，婚後亦都即刻調理身體，進入備孕狀態！直到拍攝《大力情人》嘅時候，身形已經調理到大咗成個碼，但最驚險係去到拍攝最後一日，我都未知自己原來已經懷有身孕好幾周。」

方泳琳回憶當時在節目中曾做過多項「危險動作」：「喺節目入camp嗰陣搬咗好多個沙包，好似摔角咁推對方出沙圈等等嘅危險動作，諗返起都牙煙（最後係拍晒成個節目先發現自己有咗）之後隔咗冇幾耐，唔知係咪真係太操勞，發現有少少見紅，要臥床成個星期，不過BB都好叻叻，冇事冇事。感謝上天俾機會我哋成為父母，非常期待BB嘅來臨。唔知BB鍾唔鍾意打籃球呢？究竟佢會似Mammy做射手，定係似Daddy做大前鋒呢？」

方泳琳曾是香港女子乙組籃球隊「悠悠」成員，擔任得分後衛。因樣子甜美、形象健康甚得廣告商戶愛戴，並參與過一些電影和電視劇演出，包括電影《29+1》、《作家的謊言：筆忠誘罪》、《夜校》；ViuTV電視劇《大叔的愛》、《季前賽》、《心靈師》、《殺手廢J》、《飛黃騰達》等。近年亦有參與電視節目，包括2021年參加ViuTV《最後一屆口罩小姐選舉》，以及主持HOY TV《杭州限定旅團》、與丈夫陳張敏參加ViuTV《大力情人》等。