婚宴｜KOL親測疫情下饑荒級婚宴！迷你胚胎級乳豬、食唔飽兼拎唔走！網民：人情應該俾幾多好？

婚宴｜香港現時疫情略為緩和，唔少餐廳及場所都得以「重見天日」，久歷一年有多一眾結婚新人未能擺酒，日前亦終於有限度地重新開放。不過到底現時嘅婚宴到底變成點？仲有無乾燒伊麵同橙汁放題？今次就有KOL「馬加貓」實測一下！到底有幾「饑荒級」？即刻睇睇！
撰文：海月 ｜圖片來源：馬加貓Youtube、賭俠1999

婚宴｜KOL親測疫情下饑荒級婚宴！

鑑於目前香港疫情趨於穩定，而大眾市民疫苗接種率增加，香港政府宣布進一步放寬社交距離措施，於沒有供應食物或飲品的婚禮（屬宗教禮儀一部分的食物或飲品除外），場地人數上限放寬至50%。如三分之二參加者已接種第一劑疫苗，人數上限將可放寬至100%。

而酒樓、酒店婚宴限聚令安排， 如員工須每14天進行一次病毒檢測，參加者進入處所前須掃描「安心出行」或登記資料，酒樓、酒店內顧客數目任何時間不得超過該處所通常座位數目一半，並不得有多於4人同坐一桌，而 堂食開放時間由每天早上5時至晚上9時59分。不過參加宴會活動的人數，在任何時間不得超過20人。

今次香港KOL「馬加貓」就於早前就於荃灣「Club One」參加婚宴，更拍片直擊疫情下嘅婚宴「慘況」：仲見唔見到有乳豬全體呢一件事？條魚究竟又會有幾大？炸子雞又點樣將佢拆分？原來喺酒樓、酒店婚宴限聚令安排下，不單需要於4人同坐一桌，而且婚宴中所有食物均「不會」完整一碟上枱，而是預先以細碟分好，不論男女的份量都相同，不能自行添加或打包。

不過最重要的一點來了，就是話雖所有食物均預先分好，不過份量亦跟記憶中正常時期時的婚宴份量有相當大出入。「馬加貓」直言「遇上饑荒級的食物份量，餓着回家食貓糧」，到底情況有幾慘烈？即刻睇睇：

睇見現時婚宴變成咁嘅情況，唔少網民都表示「一定食唔飽」，亦有網民表示到底呢個份量嘅婚宴，到底應該俾幾多人情呢？大家又點睇？

婚宴｜馬加貓飢荒級婚宴實測片：

https://youtu.be/hDi2UXX5erM