何遠東近日在無綫劇《失憶24小時》中飾演智障人士「肥松」一角，大受觀眾好評，日前他出席活動時，透露他將於8月與香港舞蹈團合作表演跳中國舞，仲話現階段已經成功練到「鶴立雞群」，唔通佢想「挑機」ERROR入面跳舞最耍家嘅「肥仔」（梁業）？
文：東方新地｜圖：何遠東、肥仔IG圖片及新傳媒圖片庫
何遠東：要應付好多隻舞
何遠東日前出席活動時，透露自己將於8月與香港舞蹈團合作表演跳中國舞，現階段他已做到「鶴立雞群」，他表示：「預計仲要訓練兩、三個月，到時上台要應付好多隻舞，仲要唱埋歌，好在係同廿幾位專業舞蹈員一齊跳，唔係Solo！」
近日何遠東在《失憶24小時》中飾演智商只有10歲的「肥松」，他透露自己即將上台表演跳舞，屆時將會有個浮誇造型。何遠東笑指自己雖然身形大隻，但手腳上的協調完全無問題，他笑言：「中國舞真係好難，因為好想做到一啲動作，我依家都盡量Keep住自己身體嘅靈活同做多啲運動。」曾做歌神紅館騷Dancer
原來何遠東當年就讀演藝學院時曾副修舞蹈，學過現代舞和爵士舞，他笑指自己讀跳舞時好高分，更曾擔任過歌神許冠傑（Sam）紅館騷Dancer，他笑言：「我希望大家都知我識跳舞，我咁肥跳舞係好辛苦，我仲係扁平足，要紮住腳跳平衡先好啲，所以更加辛苦！不過我唔忿氣，冇理由剩係瘦仔先跳到舞！」
2009年「肥仔東」曾經喺歌神許冠傑演唱會中擔任Dancer。仲喺台上大晒豬腩肉！「肥仔」梁業 跳舞起家
男子搞笑組合ERROR隊長「肥仔」亦係一名擅長跳舞嘅肥仔，在2018年他憑藉強勁舞技，包括以頭倒立兼玩Moonwalk等，在第一屆《全民造星》中成功打入十強，並在最後總決賽中取得第四名，雖然最終無緣加入MIRROR，但亦得以與193（郭嘉駿）、Dee（何啟華）及前成員保錡組成ERROR出道。
體重170多磅的肥仔曾憑強勁舞技打入第一屆《全民造星》第四名，其單飛新歌〈Lady Killa〉亦是一首韓式舞曲。何遠東勁減80磅
由細肥到大、更因為肥得可愛有喜感拍劇入屋，高峰時期體重超過280磅，何遠東2017年的起心肝為健康減去50磅已經令人刮目相看。點知一場疫情，人人留家食同瞓長肉抗疫，唯獨東東因為太得閒反而走去鑽研減肥，早餐飲韓國ABC果汁、少食澱粉質、每日堅持個半小時運動，再瘦多30磅，勁！
何遠東透露減肥其一關鍵是每日運動個半鐘，其中一種運動是玩空中瑜伽。瘦版何遠東被陳煒笑指似壓縮版陸浩明，大家又覺得似唔似呢？現時「肥仔東」已經瘦咗唔少，他直言減肥純粹為健康：「如果角色要我肥番，我可以再增番肥！」何遠東 出身演藝學院
何遠東出身演藝學院，2008年加入無綫，2012年在《衝吧！瘦薪兵團》飾演古怪租客「刁兄」，開始為觀眾認識，之後他演出過《衝吧！瘦薪兵團》、《心路GPS》、《巨輪》、《巨輪II》、《舌劍上的公堂》、《忠奸人》、《老表你好hea》、《鬼同你OT》及《來自喵喵星的妳》等多齣劇集，直至他在《心理追兇》中飾演一名一時衝動殺害了自己母親的孝順仔，崩潰的演技成為網民心目中的「最佳男配角」。
2012年《衝吧！瘦薪兵團》爆笑「刁兄」彈起
何遠東「挑機」ERROR肥仔？苦練浮誇舞技上台載歌載舞2013年《舌劍上的公堂》扮妾待生仔
何遠東女人扮相皮光肉滑，唔差得過王祖藍！劇中她假扮女人做于洋侍妾，後來仲神奇懷孕！2014年《萬千星輝賀台慶》扮棋一族
雖然同坤哥一齊扮棋，但並冇好似坤哥一樣受人同情，反而被形容為奀星。2015年《鬼同你OT》「矮肥鈍」成員
何遠東在《鬼同你OT》中扮演陳豪下屬，和溫家偉、C君並稱「矮肥鈍」。何遠東默默耕耘，更說會以鄭則士為目標！2016年《巨輪2》反串跳舞
何遠東在巨輪兩季中都飾演田蕊妮弟弟姚浩男，其中有一幕他為證明肥人也可做藝人，所以戴上假髮著上女裝跳舞。2017年《心理追兇Mind Hunter》崩潰爆喊
何遠東在劇中不停被阿媽馬海倫壓迫辱罵，失手殺死阿媽後又失憶，獲劇迷激讚好戲！在馬國明引導下，何遠東終於記起自己殺母的真相，崩潰痛哭！2017年《降魔的》催淚演技
何遠東在《降魔的》中飾演顧家好男人「龍貓」，拼命工作都係為了照顧家人，卻慘被人高空墮樓壓死在的士中，之後在馬國明幫助下他回魂與家人、好友道別，並深情表白說：「我這輩子沒甚麼成就，可大家都還記得我，聊起我，都是歡笑和開心的事，那麼最起碼我也是一個不錯的胖子」感人催淚！《降魔的》「龍貓」一角令何遠東入圍無綫「最佳男配角」獎，在劇中的催淚演技深受觀眾激讚，他謙稱自己經驗尚淺，會以鄭則士Kent哥為目標，繼續努力！