ViuTV公關劇透ERROR新節目 編導嬲到爆粗轟：宣傳唔係咁做，我X你咩

自從ERROR成員193（郭嘉駿）早前公開發表大膽言論踩「友台」無綫之後，出位表現即時得到大批網民拍掌叫絕，其IG粉絲人數更急升十幾萬超越埋姜濤，成為ViuTV新一代人氣王，仲帶挈埋ERROR的新節目《ERROR自肥企画》都得到極高關注。

新節目下星期一就開播，為了食住ERROR的話題度，ViuTV公關昨日就向傳媒發放首集內容，大大力做宣傳，點知就因為劇透而令編導兼有「格仔導演」之稱的Mike（劉諾衡）嬲到爆，公開在IG限時動態爆粗鬧公關，直斥他們「逆向宣傳」：「我哋呢幾個月OT爆肝仆心仆命做節目，就係為咗出街嘅時候觀眾可以有驚喜，你一嘢出咗我第一集圖文並茂嘅流程，大佬呀宣傳唔係咁做㗎嘛，我X你咩。」Mike更用電影《復仇者聯盟：終局之戰》做比喻：「依家同我聽日去睇Endgame，你就出篇文話畀我知Iron man死X咗有乜分別先？」