【書展延期】馬米高嘆計劃被打亂：安全最緊要

鑑於本港新型冠狀病毒疫情加劇，各界近日呼籲暫停書展。香港貿易發展局今天（13日）宣布，與港府商討後，決定將原定本月15至21日舉行的書展、以及其餘3個同期舉行的活動延期。

「英文人生教練」馬米高最近推出首本個人著作《英文寫真》，內容是講他的成長故事與職場經歷，主打分享英文知識。對於書展因疫情再爆發而延期，馬米高回應《明報》時說：「影響一定有影響，你諗吓我每日食雞肉，操弗個body，諗住去簽書會，跟啲嫩模一脫高下﹑一脫成名，但依家打亂咗，不過我唔太介意銷路，我覺得安全最緊要，如果有任何一個粉絲或讀者，因為咁而有事，我心裏都唔安樂，取消（簽書會）係明智決定，我同書商講未有任何活動安排前，噚晚都講想取消（簽書會），我攬住枕頭喊咗好多晚，因為期待已久第一次粉絲聚會，但真係冇辦法，安全最緊要，我又唔想害人哋仔女，本身準備好多閃卡派畀大家，下次啦，來日方長，身體健康﹑安全為上。」

（即時娛樂）