奇幻小說《哈利波特》（Harry Potter）自電影系列，受到世界各地粉絲嘅歡迎，亦隨住前傳電影《怪獸與他們的產地》（Fantastic Beasts and Where to Find Them）推出後反應更趨熱烈，電影製作公司亦確定將拍成5部曲！最近，由法國導演Joris Faucon Grimaud發起《佛地魔的起源》（The House of Gaunt） 募資，引起全網熱議，因電影中飾演年輕版佛地魔嘅法國小鮮肉Maxence Danet-Fauvel被譽爲「史上最靚仔佛地魔」！
大家對佛地魔嘅印象應該係光頭而無鼻樑嘅樣，冇血色同擁有怪異外貌出現嘅佛地魔，令人有種不寒而慄嘅感覺。不過由於呢部短片中嘅佛地魔仍然係學生，並非我哋常見嘅樣。年輕版佛地魔癲覆咗過往大魔王嘅可怕形象，帶比哈利迷全新驚喜。
《佛地魔的起源》（The House of Gaunt）獲華納兄弟授權，預計將於2020年1月可於Youtube免費觀看，配有6種語言字幕，影片預告至今已經有逾千五萬點擊率。呢部係「非官方」《哈利波特》外傳，故事架構引用自《哈利波特與混血王子的背叛》部分故事而延伸，刻畫咗佛地魔嘅少年時期。故事講述「佛地魔」Tom Riddle 由出身到崛起嘅故事，當中包括佢母親魔柔剛特用愛情魔藥迷惑「佛地魔」父親嘅故事。
年輕版佛地魔搵咗1993年出生、身高183公分嘅法國模特兒Maxence Danet-Fauvel嚟詮釋，今年 26 歲，有憂鬱眼神嘅佢，有貴族王子般嘅氣質，正因為佢神秘憂鬱嘅神韻，令佢被相中飾演年輕版「佛地魔」嘅角色，預告中一頭黑髮、一臉蒼白、加上俊美五官…立即喺Twitter上引起熱議！
佢 2016 年以模特兒身份出道後，2018 正式進軍演藝圈， 2019 年演出法版 LGBT 神劇《SKAM》，劇中佢同另一位顏值同樣超高嘅男星 Axel Auriant 飾演一對同志情侶，因為兩個人實在太靚仔，加上浪漫嘅劇情同唔少親密吻戲，Maxence 甚至為咗呢齣劇有唔少裸露畫面，令佢人氣瞬間暴漲，成為風靡少女嘅新一代代表！
原本《佛地魔的起源》（The House of Gaunt）製作團隊喺募資平台上籌募電影仲剩 15% 資金未夠，但曝光佛地魔選角之後，則迅速達標，甚至超標至150%！由此可見新版佛地魔嘅魅力有幾大 ～
有唔少影迷直呼佢係當年《暮光之城》吸血鬼羅伯派汀森（Robert Pattinson ）接班人！呢倘吸血鬼嘅扮相，真係好似啊！Maxence 除咗係法國美男子外，一頭不受控炸出來嘅亂髮，亦同當年羅伯派汀森一模一樣。
最後送上幾張 Max 脫掉上衣嘅養眼肌肉照，身材精壯仲有六塊腹肌！配上他 183cm 大長腿完美比例，呢位男神簡直太完美啦～
