很多人愛吃煎蘿蔔糕，尤其是農曆新年，更是招呼親戚朋友的最佳食品，老幼咸宜！不過煎糕話易唔易，話難唔難，煎到黐底，搞到支離破碎，真係唔好意頭又失禮人！究竟如何煎出一碟完美嘅蘿蔔糕呢？另外，想年糕加蛋煎，以及簡單煎馬蹄糕原來都有學問，只要記住以下幾個小秘訣，節日招呼親友又可顯身手了！不過，賀年食品卡路里都頗高，要怎樣選擇才「食得健康」呢？即看營養師介紹賀年食品熱量排行榜，就知哪樣食品要少吃為妙。
原文刊於：《Sunday Kiss》、《新假期》｜編輯：Cyan｜圖片來源：新傳媒圖片庫、網上圖片 ｜部分資料來源：Gloria Tse（FB: 註冊營養師Gloria – Nutri Life）
新年煎糕技巧 7招零失敗秘技
1. 厚切半寸
蘿蔔糕最好預先雪過夜，切糕時千萬不要切得太薄，因為太薄會好容易「黐底」，想反轉件糕又會好易爛，半寸就最perfect了！
2. 不要貪快「一刀切」
另外，切糕時千萬不要貪快「一刀切」，要用「拉鋸」的方法切開。蘿蔔糕裡面較硬的餡料較難一次性切開，如果「一刀切」下去，蘿蔔糕就會好易爛。
3. 熱鑊熱油
好多人以為想煎糕不「黐底」，最緊要是油夠多，其實這是大錯特錯！想煎得好看，鑊一定要燒得夠熱，再落少少油（如果用易潔鑊，更加不需要太多油），讓油均勻流遍鑊面之後，再把蘿蔔糕下鑊。
4. 煎蘿蔔糕用中火
煎蘿蔔糕要用中細火，先煎4-5分鐘，之後翻轉再煎多3分鐘左右，煎到兩邊都變成金黃色就差不多了！
5. 不要多手 只翻一次面
煎糕一定要有耐性，不需要成日翻面，煎完一邊（約3分鐘），再煎另一邊。如果是年糕的話，翻來翻去，好似黐埋一齊；煎蘿蔔糕成日翻面就好易散！另外，想做到無油煎糕，亦可考慮先放牛油紙落白鑊，然後直接放糕，用中火慢慢煎。由於蘿蔔糕本身有油分，即使不落油都可煎出焦脆的效果。這樣的話，煎糕後鑊面依然潔淨，方便清洗。
6. 年糕先叮後煎
好多人話年糕易「黐底」又易「煎燶」？其實，只需要在年糕落鑊前，把切好的年糕放入微波爐加熱約半分鐘（年糕勿疊放），先令年糕變軟，之後再下鑊煎至表明金黃即可。年糕記得要逐件下鑊，還要把年糕分開放，否則會黏在一起。最好以細火煎，翻糕時可用匙羹輔助，避免一推就黏在一起。
7. 馬蹄糕 撲薄粉外脆內軟
馬蹄糕因為當中沒有硬的餡料，所以毋須以拉鋸方式切糕。只要在馬蹄糕上一層薄粉煎，就可以煎出外層金黃微脆，內裡爽脆清甜的效果。撲粉後，亦可先放雪櫃數小時，待吃時才取出煎，非常方便。此外，若將糕切成粒狀，加蓮子、百合、紅豆等中式糖水料，配黑糖同煮便可成為創意糖水。
大家記住以上小秘訣，要煎一碟好食又見得人的「靚糕」完全沒有難度，親戚朋友上門拜年不再失禮！
新年Keep Fit 5大消滯食物＋2款中醫推薦茶飲
賀年食品卡路里排行榜
第15位 紅瓜子 1.1卡路里/粒
雖然紅瓜子低卡，但表面的不尋常光澤，有可能添加了礦物油，吃後會引致腸胃不適，小心！
第14位 黑瓜子 2.1卡路里/粒
以鹽炒烘，再加醬油，所以鈉質很高，易導致水腫。
第13位 開心果 4.5卡路里/粒
因多以烘焗為主，製作時甚少加油加糖，可吃多幾粒。
第12位 瑞士糖 13卡路里/粒
卡路里不高，但因屬高糖及加工食物，最好不要吃。
第11位 笑口棗 23卡路里/粒
笑口棗屬高溫油炸澱粉質，少吃為妙！
第10位 朱古力金幣 27卡路里/個
主要成分是可可、可可油、糖及奶粉，吃一塊比笑口棗更肥。
第9位 糖蓮子 40卡路里/粒
加了糖漿煮，加上表面糖霜，小小一顆卡路里比得上蝴蝶酥！
第8位 蝴蝶酥 48卡路里/件
製作酥皮時加入了大量牛油，大家記得不要吃過量。
第7位 角仔 49卡路里/件
加入花生砂糖做餡，油分、糖分幾級跳，容易致肥！
第6位 花生湯圓 62.5卡路里/粒
花生湯圓和芝麻湯圓同屬糯米皮，原來麻蓉餡較花生餡油分再高2.5倍！
第5位 糖蓮藕、芋頭糕 80卡路里/件
糖漿、糖霜沾滿蓮藕裡裡外外，糖分非常高！芋頭糕一件也有80卡路里，如用瘦臘味代替肥肉，會更健康！
第4位 芋蝦 100卡路里/件
每件含1茶匙油，一日最多吃一件。
第3位 馬蹄糕 110卡路里/件
含約有3粒方糖的糖分，但因少油少鹽，殺傷力較其他年糕少。
第2位 蘿蔔糕 117卡路里/件
蘿蔔雖然卡路里不高，但餡料如臘腸、臘肉都致肥。
第1位 年糕 265卡路里/件
一塊約含有相等於3-6粒方糖的糖分，椰汁年糕更有大約2茶匙食油。吃一塊約撲克牌般大的年糕，達265卡路里，較一碗白飯的200卡路里更要高！
4大賀年食品迷思
迷思1 油炸食物會致癌？
芋蝦、笑口棗、角仔均屬澱粉食品，經高溫油炸會產生致癌物「丙烯醯胺」（acrylamide），多食有損健康，也有反式脂肪。想應節，建議每日最多吃3隻角仔或4粒笑口棗或1個芋蝦。
迷思2 吃蘿蔔糕會水腫？
雖然年糕卡路里是蘿蔔糕兩倍，但由於製作蘿蔔糕時加入大量鹽分、高鈉食品如臘腸、臘肉等，吃一件所吸收的鈉已佔全日上限1/4。
迷思3 用蛋煎年糕，吃多一碗飯
很多人煎年糕時會蘸蛋漿來煎，為防止黐底，有些人更習慣性會加多一點油。但雞蛋本身極易吸油，若以煎三塊年糕用一湯匙油及一隻雞蛋計算，就多了200卡路里，相等於一碗飯熱量！
迷思4 吃開心果開心啲？
由於開心果所含的維他命B6，較其他堅果如花生、合桃多，而維他命B6可提升血清素，有助提高開心情緒。