吳若希跟老公肉緊啜囡囡面珠賀7歲生日：繼續做你好朋友

吳若希（Jinny）和老公Alex婚後育有一對仔女，湊成「好」字，眨眼女兒Giselle已經7歲，昨天（23日）Jinny在社交平台貼出慶祝女兒生日照片，她和老公一如以往，左右夾擊啜囡囡面珠，Jinny寫道：「我真係唔知可以再啜到去幾多歲，今年已經啜到好似要打交咁。」

Jinny同時貼出囡囡生日照，並有感而發寫道：「諗咗好耐應該同你講咩，喺你小時候，對你可能有好多期望，希望你開心，希望你快樂，希望你善良，希望你勇敢。但係漸漸地發現，我希望你做到嘅嘢，你全部都做到，有好多我唔expect你會做到嘅嘢，你都做到！睇住你慢慢進步，做媽咪嘅真係好安慰。

我都估唔到時間過得咁快，轉眼間，你已經七歲～開始慢慢接觸緊出邊嘅世界，有自己嘅圈子同埋自己嘅諗法，媽媽會繼續做你嘅好朋友，隨時準備好耳仔，聽你分享你嘅生活同心情～媽媽愛你。」

（即時娛樂）