2022 年新人 DEZ 余宗遙推出首支派台歌〈綠洲〉，作為新人初出道面對傳媒提問難免會緊張，所以師姐 Jace 陳凱詠特意現身教路，當面對尖銳問題的時候如何得體地應對。
處境 1：被問到現時樂壇有不同勢頭強勁的男歌手或組合，面對競爭作為新人要如何突圍？
平日幽默搞笑的 DEZ 一談到音樂 DEZ 馬上一本正經，認為音樂人應該忠於自己的風格，是不要想競爭的事情，他說：「我覺得作為音樂人應該忠於自己，唔好諗競爭先，第一件事做完隻歌出嚟你自己鍾唔鍾意先？ 好似我出道作〈綠洲〉咁，由我自己作曲，再同監製、團隊一齊合作係建立到自己風格，要先搵到自己定位。」Jace 大讚：「100 分！原來你一講音樂就認真好多！」然後她馬上認真示範如何回應：「其實我覺得每一個歌手都有自己嘅特色，冇咩值得去比較，我會從一個有趣嘅角度睇呢件事，但我自己唔會介意。」
處境 2：身為創作人，會不會擔心簽約唱片公司後自由度受限制？
DEZ 放心說：「暫時我唔係好怕，因為 A&R 同事、監製都肯陪我去玩，一齊去編曲，成個團隊有好好嘅溝通。」Jace 都表示：「唔怕呀，因為最緊要清楚自己要做啲咩，同團隊去溝通；有時人哋畀意見我反而會打破我舊嘅想法，從來創作過程都係咁，冇嘢需要怕。」
最後 DEZ 再向師姐取經，希望自己回應得可以更有趣又不會得罪人，Jace 卻說：「悶又唔會得罪人嘅，話唔定係你嘅特色呢？擁抱佢啦，話唔定你認真答問題人哋會覺得你好 charm 呢！到你真係得罪咗人會有人話你知㗎喇，錯過就會知，唔好再錯就得！」
2022 年新人 DEZ 余宗遙正式出道，現正就讀香港大學建築系的他，絕對是創作型才子「音樂學霸」。首支派台作品〈綠洲〉，歌曲由他親自作曲和編曲，DEZ 自小已很喜歡音樂創作，首支新歌便能與監製 Adrian Chan 合作令他在音樂創作及歌曲演繹上學習不少，他說：「很慶幸可以與著名監製 Adrian Chan 合作，實在獲益良多，其中領會到一個錄音秘訣就是『放鬆』！就是要用比平時從容 10 倍的心態去錄音，不知自己是否因為接觸 rock bands 比較多，有時會不小心用了一種要同首歌『死過』的心態去唱，但 Adrian 教了我以一種夢幻、放空的意識形態去找一個獨特的演繹方式，出來的效果比我原來的唱法更有層次感。老實說，第一次在這麼大的錄音室錄音心情很興奮，心想如果我可以在那裡住一個星期就好了，有無限枝結他及鋼琴，可以說是我心目中真正的『綠洲』！」