張繼聰拖4歲女拍拖行夜街 謝安琪呻冇人理

張繼聰錫女錫到燶，昨晚（13日）在IG Story上載與前世情人、4歲囡囡張靖逛夜街的片段，手拖着手好不浪漫，張繼聰都忍不住問：「我哋依家係咪拍緊拖呀？」怎料囡囡冷水兜頭淋，擰頭否認。然而張繼聰不死心繼續說：「咁都唔算拍拖？拖住手喎！」可惜仍吃閉門羹，得不到囡囡半點回應。
其實今次是三人行，謝安琪一直跟在兩父女後面，自拍時聲稱「好休閒咁出嚟行街」，但其實是言不由衷，因為張繼聰和張靖掛住「拍拖」沒有理睬她，謝安琪笑着說：「佢哋兩個係冇理過我嘅，所以我自己好休閒咁行街。」說得有點酸溜溜的感覺。幸好，謝安琪立即得到廣大網民示好，表示願意陪她行街，又讚44歲的謝安琪紮住孖辮睇落好年輕可愛，與她行街定會有種青澀的戀愛感。