粉嶺營地｜近年營起露營活動，其實遠在露營活動興起前，中小學都會舉辦畢業宿營，當年更有不少同學因為期待而瞓唔著添！近日有網民在Facebook專頁「巴打絲打11鬼故台」投稿，分享當年在粉嶺某營地宿營的靈異事件，夜晚竟然見到有小女孩揮手，仲聽到歌聲？！
某粉嶺營地好猛鬼！夜晚有小女孩揮手
仲聽到歌聲＋有白影飄過？ 網民異口同聲：見過啦
廣告（請繼續閱讀本文）
該名網民在Facebook專頁「巴打絲打11鬼故台」上投稿，指當時「去咗一個粉嶺嘅基督教地方宿營，聽講前身係兒童院，依家暫停營運」，他指因為本身非常期待去宿營，所以在出發前有上網睇吓資料，結果唔小心睇到該地方的鬼故，令自己未出發先驚驚。
廣告（請繼續閱讀本文）
當日在到達後，就已經感到「好恐怖」同地方「好殘舊」，在玩了一整天後準備沖涼的時候，有同學敲門進來說：「黃昏做活動嘅時候，有個同學唔記得攞筆，所以番上房攞，嗰陣時全部人都喺下面做活動，無論老師嘢同學定係導師都係，但係佢就聽到有人撞牆，勁大聲，仲要有女仔唱歌，仲要第二個上去攞野嘅時候都聽到。」
廣告（請繼續閱讀本文）
後來他們因為害怕，夜晚的時候只好兩個人瞓一張單人床，但起床時兩個人都異口同聲地說聽到昨晚走廊不斷有人在跑步。某一天事主與同學傾偈，原來在畢業營當日同房的同學A，在拉窗簾時見到有個白影飄過；另外有數位男同學稱夜晚去了探險，「因為嗰個地方有個墳墓，跟住佢哋成班男仔就去咗個墳墓嗰度，仲話見到有個女仔，好細粒，向佢哋揮手。」最後因為驚慌而跑走。
網民看後就猜測地點為粉嶺浸會園或粉嶺宣道園，不過因為事主提到營地現時已暫停營運、前身是兒童院、加上有墳墓，應是在2020年8月停止營運的宣道園。有網民指自己「小六個陣見過啦，夜媽媽攀繩個啲位」，加上該處曾有多個鬼故，令事件更加似層層！