前記者利君雅傳定居加拿大 李梓敬批「自己攞嚟」

（獨媒報導）有報導指，前港台記者利君雅已離港，及或會在加拿大定居。新民黨立法會議員李梓敬日前拍片，批評對方要遠走加拿大屬「自己攞嚟」：「香港係世界上面其中一個新聞最自由嘅地方！講乜嘢都得呀！特首俾你班咁樣嘅記者質問都得啦！但係利君雅無好好珍惜，玩到過晒火位，最終咪俾人踢走囉！」

截自「KOLHK 時事梓引」

不獲港台續約 李梓敬斥利為討好「小黃人」

巴基斯坦裔的利君雅曾先後任職《無綫新聞》、《明報》和《香港電台》，是首名非華裔中文新聞記者。在任職港台期間，利君雅任職助理節目主任和節目《視點31》的主持，在2019年反修例期間曾多次在記者會質問官員和警方，以敢言見稱。

港台其後接獲多宗涉及利君雅的投訴，她原定在2020年10月便滿三年試用期，轉為公務員合約，但兩度遭港台延長試用期，最後更不獲續約，至2021年5月離職。

行政長官李家超曾表示，香港一直擁有新聞自由，「等於身分證一樣喺大家袋中，已經擁有」。李梓敬亦認為，香港是全球新聞最自由的地方之一，嘲諷利君雅沒有珍惜，在2019年期間「醜態現形」，竟在政府記者會上無禮質問時任行政長官林鄭月娥，並公然將元朗7.21暴動抹黑成「官警黑合演的大龍鳳」；又誣蔑警方有殺人嫌疑，「為咗討好班『小黃人』，完全唔記得咗係一個專業嘅記者，係應該不偏不倚嘅！」

不滿利君雅圍攻 自詡以一敵二擊退小嘍囉

在2020年5月《視點31》的節目中，前香港眾志主席羅冠聰與李梓敬成為嘉賓，辯論題為「國安法，我係唔會驚」。

在最新影片中，李梓敬則炮轟利君雅「夾埋另外一個嘉賓，宜家走咗佬去英國嘅羅冠聰，兩個圍攻我一個！」他又自詡：「好在梓敬當時都準備充足！以一敵二擊退呢兩個小嘍囉！」

港台節目《視點31》（截自「KOLHK 時事梓引」）

李梓敬又指，自《港區國安法》立法後，《蘋果日報》、《立場新聞》和《眾新聞》均作賊心虛，紛紛執笠：「其他媒體都知道利君雅以前做過嘅衰嘢，臭名遠播啦！都唔夠膽請佢囉！」他幸災樂禍指，利君雅已難以在香港傳媒立足，「喺香港臭晒朵！就梗係要搵後路！」