《樓下的貓》FINALLY
事隔許久，FINALLY喺上星期推出第二首作品《樓下的貓》，今次挑戰抒情慢歌，依然保留本色，有趣地講出一個愛情故事。
「每秒也會想起 月亮難及你美 你說你湊巧經過 別逃避」
歌曲以街貓作比喻，當遇上女神時，難免會思緒混亂，心如鹿撞，渴望得到注視，可惜自知難以如願得到青睞，只能每日獲得一點點溫暖，心中羨慕家貓能受到女神一心一意嘅熱愛。儘管傷感，但都安慰自己做流浪貓可以被萬千女生喜歡，「風流」一點其實唔錯，自悲唏噓中又帶點積極樂觀。
「浪子怎配和家貓競賽 我似風 留不低最愛」
愛情以外，依首作品亦道出FINALLY對粉絲嘅答謝。即使大家有其他喜歡嘅偶像，同樣會花時間支持佢地，來自四面八方，無分彼此。因此，FINALLY同樓下嘅貓一樣係屬於每一位，只要路過，就可以見到，只要肯欣賞，依四位大男孩就會帶到歡樂比你，互相支持，將大家嘅愛傳播開去。
「做貓做兵亦都得 你係最大Backup」
《樓下的貓》歌詞鬼馬，明明幾認真突然會出現句meowooo，仲要無咩違和感，中間段rap又係好鬼fun。而MV拍出迷上女神嘅心酸，即使有過甜蜜時光，最終都被家貓取代，彷似被拋棄，但最少有一班兄弟不離不棄，帶嚟一點溫暖窩心，搵嚟Ivy做女主角更加係合適不過。
「要抱我Ok 吻我也Ok 愛我照俾你 (哋！)」
FINALLY出道相信大家都以為係玩玩下，估唔到佢地咁認真地尋求進步同突破。四位各有特色，形象正面，老少咸宜，拍唔同挑戰嘅《FINALLY 嚟喇》亦相當高質，進一步發掘到佢地嘅搞笑才華同潛力，慢慢創出一條獨特路線，仲越嚟越受歡迎。
由《終於出歌》洗腦有趣，到《樓下的貓》富感情地搞笑。雖然以專業歌手標準而言，四位嘅唱功尚有唔少進步空間，作品亦同一般流行歌曲相距甚遠，但佢地確實傳遞到快樂比聽眾，為樂壇帶嚟新元素。我亦喺《FINALLY OK》舞台劇睇過佢地live跳唱，其實一啲都唔失禮。
「我紙箱 收到的罐及魚 一早滿載 可否只摸摸pat pat便離開」
我一向非常喜歡小薯茄，因為佢地比人一種開心可以好簡單嘅感覺，FINALLY亦唔例外，真係一見到四位登場就想笑，能夠將生活所有煩惱暫時拋諸腦後，依家社會正正需要依種正能量。希望佢地繼續勇敢地做不同嘗試，期待下一首歌會再次帶嚟驚喜。
「誰清楚 我在雙手托腮 但看起來 很可愛」
我是終粉我自豪！💜
Meowooo～
《樓下的貓》FINALLY
曲：Nic Tsui
詞：阿檸
編：Nic Tsui
監：Nic Tsui/Coey Young
「做貓做兵亦都得
你係最大Backup
有你哋我每日
熱切盼待你微笑就算上次
被你碰見Caca送我泥鯭嗰次
鍾意搓肚dum仔的
清秀帶點MK的Christy
嘉欣Katherine與翠絲
對我很在意
她們通通都不理智
世界追捧的人氣（組合）
不要獨享這遊戲
要抱我Ok
吻我也Ok
愛我照俾你（哋！）」
▼Follow hkpopculturelover
Instagram: https://www.instagram.com/hkpopculturelover/