【巴黎奧運】跳馬預賽失利未能晉級 石偉雄：盡咗力、無遺憾

圖片來源：港協暨奧委會

（獨媒報導）香港體操代表石偉雄昨日出戰巴黎奧運體操項目，在跳馬項目預賽失利，無緣晉身決賽。石偉雄接受香港傳媒訪問時稱「盡咗力」，已沒有遺憾：「呢次比賽盡晒力嘅，亦都第三次喺奧運會啦，亦都好開心可以再次踏上呢個舞台。」他提到，過去三年間遇上不少挑戰及困難：「比我可以第三次再踏上呢個舞台，真係好難得。」

圖片來源：港協暨奧委會

在預賽中，石偉雄在第一跳落地時出現失誤，只取得13.666分，第二跳則取得14.533分，平均14.099分，排第12名，與第8名選手相差約0.44分，未能晉級決賽。

石偉雄昨日在賽後接受香港傳媒訪問，稱從東京到巴黎奧運的三年間，感謝所有陪著及支持自己的人：「就算幾難都好，佢哋都會犧牲自己嘅時間，或者其他嘢嚟support 我。」石偉雄特別提到，有港隊治療師更將診所休業，即日飛到巴黎觀看自己比賽：「好多謝你哋每一位。」

圖片來源：港協暨奧委會

兩奪亞運金牌 克服傷患再戰奧運

現年32歲的石偉雄在2012年倫敦奧運，首次代表香港出戰個人全能項目，但未能晉級決賽。在2014年仁川亞運，石偉雄在跳馬項目贏得金牌，是香港史上首面體操亞運金牌。然而，石偉雄受傷患困擾，未能取得2016年里約熱內盧奧運的參賽資格，更因筋腱斷裂導致出現萎縮的情況 。

不過，石偉雄未有放棄，他在2018年雅加達亞運成功衛冕跳馬項目金牌，再創歷史成為本港體操史上首名衛冕金牌的運動員。在2021年舉行的東京奧運，他在初賽失利未能晉身決賽。石偉雄去年更放棄出戰杭州亞運，克服傷患全力備戰巴黎奧運。

談到今次在巴黎奧運比賽的意義， 石偉雄形容「同之前兩屆好唔同」：「盡咗力，亦都好enjoy 喺呢個舞台度做跳馬。」他表示今場以平常心應戰，一切如同在訓練的時候，亦沒有感到緊張，「呢個係一個好好嘅經歷」。

石偉雄：最冇壓力嘅一次 自言跳馬像賭博

記者提到，不少運動員在比賽後與石偉雄打招呼，他自言「在體操圈子都算係老前輩」：「因為年紀算大，佢哋大多數都細過我。佢哋亦都知道⋯⋯由上一屆嘅準備去奧運，到今屆⋯⋯，玩體操嘅人就會知道有幾難，佢哋亦都好respect 我，好respect 我教練，respect 香港隊。」

被問到未能晉級是否感到有遺憾，石偉雄淡然地說：「我覺得冇⋯⋯雖然個成績唔係咁理想，唔係咁好啦。但係我覺得，呢個係我喺20幾年嘅運動生涯入面，最enjoy嘅一次，係最冇壓力嘅一次。」石偉雄又形容跳馬像賭博：「你練得幾好都好，你比賽做唔到，就做唔到。你練得唔好，但你比賽做到亦都係有出現。所以我覺得，呢個就係跳馬好刺激嘅一樣嘢。」

版權: 禁止衍生