香港地寸金尺土，若成功上車，不少人都願意花一大筆裝修費打造理想安樂窩。有剛新婚的90後夫妻分享剛完成裝修的新居，為了「慳錢」裝修，決定自己諗間隔設計，就找師傅直接裝修。將30年樓齡、原三房的750呎單位，全爆改間隔變4房2廁。簡潔舒適的北歐裝潢風格，客飯廳闊落空間感十足，一眾網民都大讚「好靚，抵到爆」！
這對新婚的夫妻在「家居裝修設計分享Group」分享新屋裝修，改造 30年樓齡、實用面積750平方呎的單位。屋主有計劃生小朋友，希望將來的生活空間闊落，所以一買下單位後便自己設計重新規劃，將原本三房及長廳，全爆改間隔長廳變橫廳之餘，亦將3房變4房連兩廁，同時保留足夠的共聚空間。屋主表示希望靠自己諗設計，所以都想呢個個案都可以幫到有需要嘅人，慳啲錢自己爬多啲文再搵師傅直接做。
廣告（請繼續閱讀本文）
該網民分享，開工前爬咗好多文，到6間裝修公司格價，最後選定谷友之前推介的裝修師傅。
裝修有時真係人夾人，好彩溝通暢順，同師傅夾到師父報價老實用料足，因為涉及改隔格，期間少不免遇到小插曲，最緊要師父負責任一步步商量點做。
由於單位改動大，裝修連訂做傢俬費用約62萬元。全屋裝潢及傢俱採取簡約風，以入門櫃、廚房櫥櫃及房間的衣櫃的全到頂收納櫃為例，均以實用為主。他表示，全屋裝修清拆連保險、全屋實心木門、新砌磚牆等包料，以及廚房及2個廁所傢俬櫃，全部石英石台面共花費50萬。而訂做房間的實木傢俬方面，則花費約12萬。
廣告（請繼續閱讀本文）
客飯廳闊落，間隔四正又相當實用，客飯廳均有一扇窗，大大增加了廳堂的採光度。全屋以灰白色為主調，以白色油漆牆、灰色及白色門櫃，配合柔和的黃光照明，令一室舒適雅緻。屋主兩人亦已為將來準備了工人房，另外電鍍玻璃書房可以隨時變成小朋友的玩樂房間。
廣告（請繼續閱讀本文）
授權轉載：家居裝修設計分享Group@Rooster Wong