😚今日嘅紀念日我哋就揀咗去宋王臺食半熟龍蝦。其實呢一間居酒屋我哋之前都已經食過，今次係第二次到訪😚。而家有咗宋王臺站，去九龍城附近食嘢就真係越嚟越方便啦。今次呢間居酒屋喺宋王臺站落車行幾分鐘就到，真係好方便👍🏻
🦞伊勢海龍燒 $698
🦞伊勢海龍燒 $698
（包：半熟龍蝦，海膽，龍蝦湯，龍蝦粥）
店員首先會上咗半熟隻燒龍蝦肉同埋海膽，咁大家就可以試咗佢哋嘅味道先，口感好彈牙，好爽，味道好鮮甜，完全冇腥味，真係有史以來食過最好食嘅龍蝦🥰🥰。食完之後，店員就會將龍蝦嘅蝦頭攞去煲湯同埋煲粥，咁大家之後就可以食到用石鍋上嘅龍蝦粥同湯。個人比較鍾意龍蝦粥，龍蝦嘅鮮味融入晒每一粒飯粒入邊，但唔會好鹹，入邊仲有大量嘅蔬菜，所以其實係呢度龍蝦多食，其實就已經夠飽😋。羊先生就比較鍾意龍蝦湯，因為佢比較重口味，鍾意濃郁嘅湯底。呢款真係必食推介，大家可以有機會嚟試吓，一定唔會覺得失望🤩
🍜九州鰹湯拉麵 $118
因為羊先生呢排要增肥，所以佢另外都叫咗碗拉麵🤣。拉麵質素其實都幾高，估唔到係居酒屋都可以食到咁嘅質素嘅拉麵。湯底係鰹魚湯底，味道好濃郁但係唔會口乾，或者過鹹。麵質係曲面，都好彈牙，掛汁都一流👍🏻。呢碗拉麵最特別係入邊有一粒熱石🔥，可以保持住拉麵嘅溫度，所以食到尾段，碗拉麵都係熱辣辣咁
🐣月見雞肉漢堡串 $38
呢款串燒基本上係我哋食串燒必點嘅一款，因為我哋鍾意佢好咁豐富。今次呢一款串燒，佢味道真係一流🥺，雞肉漢堡上面亦都有用汁燒過，甜甜地再配上濃厚嘅蛋汁，就有少少似食壽喜燒嗰種甜甜鹹鹹，但又食得出蛋味香濃嘅感覺。呢款都係必食推介👍🏻👍🏻
🔥油揚燒蠔串 $48
呢款嘅串燒，外面用咗腐皮包住左一隻蠔。外面嘅腐皮都係用咗汁燒嘅方法，不過佢外皮嘅頂部仲係好脆，咬落去真係好有口感，入面嘅蠔亦都好creamy ，都係幾特別嘅一款串燒，大家都可以試吓😛
🔥燒日式芝士年糕 $38
除咗有一大粒嘅芝士年糕，下面仲有紫菜，大家記得呢款如果一上枱，最好就快啲食用，如果唔係紫菜就會林晒㗎啦。燒芝士年糕佢嘅口感好軟糯而中間嘅芝士甜甜地咁樣🥰，亦都做到留心嘅效果，都好推介大家點嚟試吓👍🏻
✨整體來講，呢間居酒屋質素真係幾高😋，我哋嗌咁多款，每一款都係值得推介同埋好味嘅👍🏻。佢哋都仲有啲刺身同埋其他小菜，大家都可以試吓，再話我哋知好唔好食。佢哋嘅服務質素都係一流，好友日本人服務嘅態度，同埋都好友善。整體餐廳環境都好有日本居酒屋嘅味道，大家快啲嚟試吓啦～🤩
📍 浜滝 (九龍城)
九龍城福佬村道59號地下A舖
▼ Follow we2log