【搵食CONY】現場烤焗兼嚴選食材　台灣牛角包又引發排隊潮！

聽聞有「殿堂級可頌」之稱嘅「八月堂」嚟香港喎！咪住，咩係「可頌」？「八月堂」個名咁日系，日本嚟㗎？「殿堂級」有幾勁？據稱佢地嘅牛角包日賣萬個，甚至要排成個鐘先買到，究竟係咩促使大家咁做？係愛定係責任？搵食CONY決定直擊開賣日（9月15日），同大家搵個答案。

其實「可頌」即是牛角包，係英文「Croissant」嘅國語音譯。「八月堂」亦非來自日本，而是台灣的本土品牌，不過牛角包嘅製作技術的確係從日本職人度學返嚟，所以牛角包嘅風格和口味都偏向日式，而品牌亦以「堅持日本職人精神 」為理念。

CONY直擊當日除咗見到人頭湧湧，大排長龍之外，仲發現原來八月堂嘅牛角包係無間斷地在現場發酵，並新鮮烘焗，每日限量出爐。品牌仲一直堅持嚴選世界頂級食材，好似日本百年品牌麵粉、歐洲天然牛油同ISO認證雞蛋等，以獨門嘅摺層手法製作，令牛角包外形黃金飽滿，切開更見到蜂巢般嘅組織，咬落鬆脆軟糯，難怪咁受歡迎！

品牌在香港分店推出咗11款口味，首先必試嘅當然係原味「蜂巢可頌」，最基本的款式，卻最能嚐到最原始嘅牛油香氣。「迷戀卡士達」在牛角包中唧入滿滿的吉士醬，卻甜而不膩，完美演繹經典滋味。除了甜味牛角包，品牌又推出一系列鹹味牛角包，好似「炙燒明太子」就好有驚喜，CONY平時唔係好鍾意食明太子，因為好鹹，但用喺牛角包上卻啱啱好，鹹香有致。

必試香港隱藏限定口味

另外，品牌又推出香港隱藏限定款「相思卡士達」， 在牛角包鋪上日本的甜紅豆和吉士醬，充滿日式風味。請注意，品牌建議客人在常溫2小時內品嚐有餡嘅牛角包，如果唔係都要立即放入雪櫃，其他產品都解議當日即食。不過就算牛角包稍為凍咗都依然保持到香脆，值得一讚。

除此之外，香港八月堂將於開張首7日（9 月15日至9月21日）期間派發一個6件裝的精美禮品盒給首30名顧客。沒有拿到精美禮盒的顧客也可以優惠價$98購買6款可頌。

八月堂
地址：太古康怡廣場（南）AEON STYLE康怡G11舖
營業時間：早上10時至晚上10時