繼國泰航空重收燃油附加費(短途每程$146/長途每程$652)之後，香港航空今日亦都宣佈會徵收燃油附加費。
燃油附加費由11月2號起徵收，將會以每航段計算，適用於所有票價類型，有關收費會列明喺所有銷售渠道嘅機票報價之中。
廣告（請繼續閱讀本文）
由香港出發至汶萊、柬埔寨、印尼、日本、韓國、中國大陸、馬來西亞、馬爾代夫、塞班島、菲律賓、中國台灣、泰國、越南等地嘅航班，將會收取港幣140元（18美元）嘅燃油附加費。
而由香港出發至西南太平洋、北美洲、歐洲、中東、非洲、南亞次大陸（唔包括馬爾代夫）及哈薩克斯坦等地嘅航班，就會收取港幣610元（78美元）嘅燃油附加費。
廣告（請繼續閱讀本文）
計返搭長途機來回需收$1,200嘅燃油附加費，短途來回都要收約$300嘅燃油附加費。
香港航空表示燃油附加費適用於所有乘客，包括小童、嬰兒，並且會根據市場經營環境同燃油價格波動而每月調整。
睇嚟航空公司徵收燃油附加費應該會陸續有嚟，大家去旅行最好早啲plan定。
廣告（請繼續閱讀本文）
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）