容祖兒變身Chef Joey 同LINE FRIENDS玩轉廚房

容祖兒早前為電器品牌拍攝新系列廣告，變身Chef Joey親自上陣炮製數款特色美食，更笑言要挑戰Chef Lemon地位。不過祖兒其實自知是地獄廚神，所以特意找來LINE FRIENDS的BROWN同CONY遠道而來幫手，再加上余德丞、MIRROR的姜濤及Anson Lo傍住，最終有驚無險地完成任務！

事實上為求保持食物賣相，拍攝用到的巨型蛋撻、巨型菠蘿包、燒春雞等均由幕後高手即場炮製，祖兒就趁機偷師（同時偷食）。她驚嘆師傅廚藝了得之餘又大讚食物好味，所以縱使拍攝至凌晨，Joey都仍然享受，更話愈拍愈肚餓。

另外原來今次是姜濤第一次拍電視廣告，可以同好朋友Anson Lo組合成姜son CP他顯得相當感動。