張智霖朱經緯合照 袁詠儀PO菩薩相遭網民狂轟

昨日網上流出警隊一哥鄧炳強和部分高層與一班藝人出席晚宴，鄧炳強在席間更話︰「其實我做警察係學成龍大哥、學方中信，全部都係學你哋，我唔知點做警察，睇吓睇吓就識做，唔知點解。」當晚多位藝人與曾用警棍襲擊途人被判入獄3個月的退休警司朱經緯合照，其中張智霖、歐陽震華的迴響甚大。

張智霖的IG及FB被網民洗板鬧爆，更有追隨多年的fans怒碎唱片。該網民留言道︰「我當佢如珠如寶咁收藏咗咁多年嘅親筆簽名CD，咁多年都唔捨得拎出嚟聽！張智霖，你咁即係覺得721冇問題！亂打途人都係冇問題啦！你兩公婆(食屎)啦！」而太太袁詠儀的IG亦成為網民留言發洩之地。

靚靚於下午上載一張菩薩銅像照片，並以一個微笑公仔作為留言。有網民留言問說︰「微笑同post佛像係唔會好似你所講咁令個世界更美好，因為仲有人同極權為伍。你仲笑得出，係因為你對其他人嘅苦難視而不見。」、「唔知張生張太，日後點同小朋友解釋香港721元朗白衣人打市民，但警署落閘事件呢？但你地撐警，應該覺得上述事件係無問題？」、「你都係香港人，係香港拍港產片起家，面對現在香港人被殺，被人蝦，攞走我地的自由，你可以視而不見的，明顯地，你跟個班高歌朋友的沒有分別，對你極失望呀！」不少大陸網民翻牆加入洗板，他們則以祝福語居多。