廣告（請繼續閱讀本文）
廣告（請繼續閱讀本文）
藝人朱智賢、黎振燁於無綫新劇《食腦喪B》飾演一對，今日於尖沙咀一間婚紗店拍攝影婚紗相場口，其中朱智賢谷出3吋心形胸，性感得來又優雅！她表示非首次披上嫁衣，已經着到麻木晒：「數唔到第幾次着，每次都係為咗做嘢，已經慣咗。（每次着婚紗都會有結婚衝動？）冇乜，哈哈！細細個都會諗結婚當日要有咁靚得咁靚，但大個咗就想簡單啲，可能平時做嘢已經成日扮靚，到結婚嗰日想開心就得。」而黎振燁謂當年結婚沒有跟太太影結婚相，暫時亦都未有補影計劃。
問到二人於劇中可有親密鏡頭？他們大笑說沒有，最親密只是黎振燁送上額吻，黎振燁又搞笑話反而導演要求加戲：「淨係得呢一啖，導演想我哋加多啲，但我哋都好『勒』住。（驚太太呷醋？）唔係，拍劇好專業嘅！」
講到同劇演員李君妍的家姐確診患新冠肺炎，曾一齊拍廠景的朱智賢，得悉消息都嚇一嚇：「公司定時定候都有人消毒清潔，所以都OK，希望佢都冇事。（會去做測試求安心？）個廠景都拍完起碼都一個月，隔咗咁耐自己都冇乜嘢，就應該冇事。」黎振燁透露同李君妍有對手戲，更抵死叫朱智賢行遠少少。
廣告（請繼續閱讀本文）
東網網站 : https://on.cc/
東網Facebook專頁 : https://www.facebook.com/onccnews/