藝人徐㴓喬（Asha）擁有英、菲血統，她透露身在菲律賓的婆婆患有腦退化症，而最近她亦發現父親記性比以前退步，令她開始擔心自己可能有家族遺傳腦退化症基因，她說：「婆婆由於疫情關係，近幾年都冇同我見過面，媽媽之前話畀我知，佢嘅情況愈嚟愈嚴重，好彩都仲記得我，畢竟我有12個兄弟姊妹，佢對我仍有印象，我已經好開心。我好明白媽媽嘅感受，睇住婆婆漸漸忘記身邊嘅人和事，自然好心痛。」
廣告（請繼續閱讀本文）
Asha近日獲邀成為「耆跡天使」，幫手呼籲大家下載相關程式，以便幫助尋回走失的腦退化症人士﹕「如果腦退化症家人走失咗，照顧者一定好擔心。以前大家可能靠社交平台發文尋人，依家只要下載程式，開啟藍芽及位置，就能夠幫助盡快搵番走失人士。」她續說：「我曾經做過DNA測試，結果顯示我都有機會患上腦退化症，所以我依家每日都要自己保持頭腦靈活，得閒就玩多啲Board Game（桌上遊戲）或數獨等遊戲。」
東網網站 : https://on.cc/東網Facebook專頁 : https://www.facebook.com/onccnews/