內地大幅放寬防疫措施後，與香港通關在望。港大感染及傳染病中心總監何栢良今日（28日）於商台節目表示，其實不用太擔心內地通關後的風險，反問為何有人去外國旅行就不怕染疫，對內地卻要害怕。
何栢良指，以現時疫情發展，只要打齊針症狀都會很輕微，相信政府會優先讓打齊三針的旅客來港，他亦相信通關後不需要檢疫，檢測角色亦會微乎其微。此外，由於香港與內地已一段時間無人員往來，可能有大量需求已累積，相信初期會設配額，再逐步放寬。
廣告（請繼續閱讀本文）
目前內地流行的病毒株為BF.7，而香港則為BF.4或BF.5，何栢良認為不需要太過擔心內地人來港後風險會忽然暴增。他指香港人已經習慣了「碎步式復常」，可能見到其他地方放寬得較快，心理上不太習慣，「你首先要搞清楚，喺內地嘅病毒同喺香港、世界各地嘅病毒基本上係冇分別，內地BF.7係其中一個主要嘅病毒啦，咁香港就係BQ.1或者BQ.1.1，BA.7都係BA.5嘅下一代，佢個殺傷力或者引致重症嘅風險冇特別高。」
他指主要的分別在於BA.7較易有「免疫逃逸」，易於感染，但香港人只要接種夠疫苗，如3針復必泰，重症率只是幾萬分之一。「你又諗下，香港人我哋去法國、英國、日本，你喺旅遊期間當地大把呢啲病毒，所以我哋某程度部份香港人有個心理關口，我哋去日本、泰國就唔驚有呢啲病毒，調返轉，你上內地或者內地人嚟香港，你又驚佢帶有呢啲病毒？」因此何栢良認為這種擔心並非源於科學，而只是心理障礙。
內地現時改為一月一次公布疫情數據，何栢良亦認為香港不需要日日公布，這對復常無幫助，只須公布住院、重症及死亡人數已足夠，又認為檢測陽性百份比對於評估病毒流行更有參考價值，卻反而無公布。
廣告（請繼續閱讀本文）
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
