😛之前喺天后附近食過呢一間嘅分店，我哋仲買咗去野餐食，雖然嗰陣時擺到凍咗，但係依然都非常之好味，所以想試吓即場熱辣辣咁食一條，今次比我發現原來旺角都有佢哋嘅分店，所以就忍唔住買咗都幾多款試吓佢🤣
🤤乜都有套餐 $78 （包熱狗，冬甩，飲品 各一）
👉🏻Oreo 熱狗（原價 $38）
呢一款都幾得意，熱狗上面癡滿晒一啲oreo穀物，所以食落去會好脆跟，味道就甜甜地，入邊依然就係一啲好煙韌嘅熱狗皮同埋芝士，會勁拉絲，芝士味好香，好多，但係就唔會好膩，呢個都幾特別甜甜地鹹鹹地咁😚
👉🏻Oreo 冬甩（原價 $28）
我哋係Oreo嘅愛好者，所以冬甩呢都揀咗係Oreo嘅口味，都幾驚喜，冬甩上面就滲左一啲糖粉已經係半融嘅狀態，所以外表閃令令，而冬甩個皮就都好鬆軟。另外最驚喜就係佢嘅內閒料，滿滿嘅cream但係入邊夾雜左巨量嘅Oreo餅乾碎🤤，再喺外圍痴咗一層Oreo碎，所以Oreo味真係超級濃。凍冰冰咁食就真係好正啦
🍹柑橘碳酸水（原價 $36）
呢一款真係夏天必飲，打卡一流👍🏻，上面真係擺咗一個大大嘅橙，而下面除咗有碳酸水之外，仲真係用咗鮮榨橙汁，所以飲落好fresh，甜味啱啱好，係自然同清爽嘅味道，夏天飲就真係一流啦😚
✅S1套餐 （包熱狗兩個，香腸年糕串，芝士球4粒）$120
👉🏻阿里郎熱狗 $28
呢款熱狗就係佢哋嘅經典款，外面嘅麵包糠炸衣就真係非常之脆，擺咗一陣之後都仲係保持到個脆度，在入面就係熱狗嘅皮，佢嘅口感好煙韌跟住入邊就係一條香腸，鹹鹹地，整體黎講就係經典嘅好味💕
👉🏻薯條鴛鴦芝腸 $38
上一次野餐就係嗌咗呢一條，所以我都好期待佢嘅味道。佢外型都好出眾，出面呢就係用咗好多一粒粒嘅薯粒黐住成條熱狗，口感非常脆😚，但係薯粒入邊都仲係好軟。而在入邊呢就係熱狗嘅麵團，同樣都係好煙韌。再入邊就係芝士同埋香腸。整體黎講除咗可以咬到出邊脆卜卜嘅口感仲有巨量芝士，個人好推介呢一款。店內仲可以更加唔同嘅醬料，大家可以跟返自己嘅喜好選擇👍🏻
👉🏻香腸年糕串
呢一款嘅香腸年糕串，其實我哋喺其他舖頭都有試過，但係呢一間嘅香腸年糕串就真係都幾有驚喜。首先佢嘅味道方面，啲醬調較得好好，甜甜地鹹鹹地，但係唔會過鹹所以食多幾啖咩都唔覺得好想飲水或者好膩。而另外一樣驚喜嘅地方就係佢嘅口感啦，年糕外面炸到好脆🥺，入邊係就好煙韌，香腸就正常嘅香腸啦，炸到外面脆脆地咁樣都幾好食👍🏻
👉🏻蔬菜魚糕串
因為佢哋當日已經賣晒芝士年糕啦，所以就換咗呢個蔬菜魚糕俾我哋，但出乎意料之外呢都幾好食嘅，整體都好大條，口感都彈牙，都食得出魚肉嗰浸香味
✨整體黎講，我都幾鍾意呢間小食店，大家如果行經過旺角都可以試吓
📍 阿里郎熱狗棒 (旺角)
旺角奶路臣街12-26號啟賢大廈地下7B號舖
▼ Follow we2log