「行姐」陳彥行 昨晚（27日）突然於TVB節目《東張西望》出現，不是回巢宣傳新節目，而是哭訴受害苦況。她指自己與75歲媽媽被銀行理財主管被誤導簽了3,000萬保單，身家都一鋪清袋。她在節目中激動哭訴誓要幫媽媽：「佢就係睇住我媽媽戶口裡面有咁多（存款），佢就用盡咁多資金，佢點解要咁做？係咪就係為咗博升職加薪，佢有佣金收！？佢要咁坑我媽媽呢？喺我有生之年，我都一定會幫佢討番呢個公道。」
突發:陳彥行靠《東張西望》絕招拆掂得到滿意賠償
陳彥行媽媽開始相信佘先生
事緣於2018年，陳母於家附近認識一間銀行理財主管佘先生，她對佘先生無可挑剔，一星期有三、四日邀請對方上門吃飯，有時對方還會帶同老婆作客。她非常信任對方，甚至開始將銀行帳戶的資金交託給他管理。直到同年7月，佘先生建議她做一個投資計劃，但因為她是高齡人士，所以要陳彥行一齊開設聯名戶口，以陳彥行的名義做這個計劃。
陳彥行一步步墮進陷阱
陳彥行指自己不清楚計劃內容，只知道佘先生聲稱之後可以改回她媽媽的名字，所以她跟媽媽到銀行找佘先生幫忙辦手續，她說：「我記得嗰日搞咗好耐，因為開立戶口有好多細節嘢要搞，我記得當時簽咗好多份文件，我不以為意，所有條款﹑細節及內容詳情，我當時認為佢（佘先生）同我媽媽講好晒﹑Deal好晒，我個角色係負責落去銀行簽名。」由於她跟媽媽財政獨立，聯名戶口對她來說只是掛名，她從未過問存進多少錢、錢如何使用。
在開設戶口不久，她就莫名其妙收到保險公司寄來的文件，她說：「我問媽咪知唔知呢啲係乜嘢？可能我媽媽百分之二百太信任呢個佘先生，佢話：『我都唔知，你問番佘先生啦。』我搵佘先生，佢（佘先生）話：『唔需要太理會，循例畀番文件你睇，帳戶嘅所有嘢會幫手處理及整理。』」她聽完沒有將事件放在心上。
之後的日子她都是跟從佘先生的訊息要求，落分行簽名：「佢講到好簡單，又話：『陳太有同你講過啦可？…』」雖然對方從無解釋過去銀行簽甚麼文件，但他這個口吻，令她以為對方早就跟媽媽商量好一切，所以她沒有多問媽媽。每次到銀行，對方跟同事效率都很快，將內容全部滑過，直接揭到最後一頁叫她簽名，所以她亦沒有看過細節。
佘先生扮內疚繼續隱瞞真相
直到今年5月27日，佘先生突然通知陳母，他會在幾天後離職，陳彥行說：「當時我媽媽都覺得奇怪，點解走得咁急，早排先同佢講業績好好，又升職加薪，但點解又離職呢？」她們只擔心戶口無人看管，怎料陳母翌日到銀行查看戶口狀况，一看便出事：「我媽媽差啲暈倒喺銀行，見到呢..簡直係異象，裏面戶口嘅資金差唔多蒸發晒，我話：『你唔係一向有佘先生跟開你啲嘢㗎嘛？』佢話：『係呀，我都唔知發生乜嘢事。』」
出事後，佘先生曾到訪陳母家承認自己失職，做得不好：「我唔係就咁走咗去。」他指五張保單，每張供款五年，陳母姪仔反問佘先生：「每張100萬，有五張（保單），五張即係每年500萬，供三年咪即係要1,500萬？」當時他沒有清楚交代陳母到底在銀行買了甚麼保險計劃，以及還要供幾多錢，他們一家還指望他會向銀行反映實況。他曾道歉：「我知道陳太其實對我好好，我都希望用任何方法幫你哋完成申索，但都係同大家講多次對唔住啦，我都知道好煩，真係對唔住嘅。」
陳彥行終揭發真相
最後陳彥行親自向保險公司追查，才發現事態極之嚴重：「呢六份保單，我總共要供3000萬，點供啊？（呢啲保險狀態係點？仲值幾多錢？）慘不忍睹，六份保單入面，有五份已失效。」至於當時為何成功買到如此大額保單：「我直接問保險公司攞呢六份財務分析表，一睇就知，謎底終於解開，原來佢想幫我製造一個假象，畀人覺得我係一個千萬富翁。」
陳彥行原來是名門之後
陳彥行曾在加拿大留學，畢業於加利福亞大學大眾傳播系，其後返港，於90年代經訓練班加入TVB，最為人熟悉的角色有《皆大歡喜》金日，06年離巢，曾到北京電影學院讀書，後來加入網台做主持。入行26年，她沒有大紅大紫，但以搞笑形象成功入屋。不說不知道，原來她是名門之後，為民國初年雲南革命黨軍官黃毓英後人，是他曾孫。
常見問題:
問:陳彥行被騙3000萬事件中，由什麼時間開始發現?
答:由2018年開始，由理財主管佘先生建議下與媽媽開立聯名戶口，並簽下多張保單。更多早前發生經過請看。
問:陳彥行有沒有先向銀行反映?
答:有，惟銀行於10月表示名是她親筆簽，所以投訴不成立，陳彥行都有向金管局反映，更多詳情，請看。