聖誕到會｜落單叫肉眼扒配薯蓉　到貨後食客只見「啡色物」　店家fb刪留言超災難

假期與朋友聚餐，不少人都會選擇外賣到會，既不用自己準備，又可以品嚐到大量的美食。最近有網民於Facebook群組發文表示，有間外賣到會餐廳的食物極為貨不對辦之餘，更被店家刪除留言，令憤怒的他直接截圖鬧爆！

撰文：IP｜圖片來源：Facebook@中伏飲食報料區

網民本於該到會店家其中一篇Facebook文章下上載照片並表示，自己在到會店家訂購了聖誕限定的「燒紐西蘭肉眼配薯蓉燒汁」及其他食物，但成品極為貨不對辦！不只賣相欠佳，作為配菜的薯蓉更成為了主菜，醬汁也疑似隨便放上食物上，看起來有點似排洩物！而另一款菜式「德國雜腸拼盤」更被指毫無誠意，連最基本的煎焗的烹調都欠奉，只是水煮了一下就出貨給客人，被網民嘲諷：「好彩唔係生嘅」！

但刪除與限制留言的舉動卻引來大批網民反感，更化成公關災難！網民又豈會如店家的願？有部分網民在店家刪除留言前已化身為「圖夫」將文章下的留言「cap圖留底」，引來大批網民熱議！有網民直斥：「去IKEA買料自己整都好過佢啦」、「好慘食啲咁嘅嘢」、「似唔似平時屙出嚟嗰啲」！但直至現時為止，店家依然未有任何公開回應。