有冇女仔出門前同小編一樣都會用直髮夾Set好個造型先？但每日都要花好多時間早起身整頭又係一件好麻煩嘅事，不過而家有更快捷嘅方法益大家！最近韓國爆紅嘅神奇毛巾捲髮術，居然唔使用直髮夾都可以營造波浪捲髮嘅效果，一齊入內文睇下呢個方法有幾神奇啦！
圖片來源：Youtube@베레나verena｜撰文：Sharon
Step 1：頭髮半乾，再噴上護髮精華
廣告（請繼續閱讀本文）
洗完頭之後，大家唔好心急吹乾頭髮，用風筒吹至半乾嘅狀態，再用上護髮精華，令頭髮保持柔順光澤。
Step 2： 用毛巾
廣告（請繼續閱讀本文）
唔使用直髮夾就可以整到大波浪嘅造型就係靠「毛巾」！首先將頭髮分成左右兩邊，再用毛巾放喺頸上，以麻花捲嘅方式纏繞至髮尾，最後用橡根紮好，左右兩邊嘅頭髮都一樣咁做。
廣告（請繼續閱讀本文）
Step 3：用大橡根再固定
兩邊以麻花捲嘅方式紮好咗之後，再用大橡根將左右兩邊嘅頭髮紮埋一齊，等待一段時間～
Step 4：拆開毛巾
各位女士可以根據自己嘅需要靜待半個鐘再拆，或者直接紮住睡覺，瞓醒再拆嘅效果會更佳！最後再噴上定型噴霧，咁就可以唔使用到任何直髮夾工具，都整到超美嘅波浪捲髮啦！