抽水多年終於對手 新何太一句KO林作

一向甚懂製造話題的林作，終於遇上對手

2. 76歲何伯與年輕逾30年的內地婦火速陷入熱戀、結婚，後何伯五子女提走何伯450萬，掀起全城熱話。

3. 一向懂計算的新何太，肥水不流別人田，「新戰場」由公仔箱轉到網上直播，在網民「要求」下，她「順理成章」於網上直播「千語BB生活錄語」

4. 在直播中，新何太除了大爆何氏一家私隱，包括何伯亡妻生前花數百萬醫病、大仔任職警察，「仲高級過處長」，越講越誇張，引來網民質疑其可信性，指「開始進入思覺失調階段」

5. 直言享受成為新聞人物嘅新何太，為了流量，直播中更拉埋何伯證真愛，二人直播食飯，繼而兩度甜蜜kiss，一時又話要生BB，唔知觀眾頂唔頂得順

6. 甜蜜舉動只係前菜，甚有生意頭腦嘅新何太，有網民統計指兩小時直播，已獲打賞過萬元，更直言即將舉行直播帶貨，唔通賣迷暈湯?

7. 另邊廂，因去年JPEX事件令人氣急跌嘅林作，同女友裕美直播谷極都唔起，終忍唔全抽新何太水

8. 首先，林作以10萬元邀請何太合作開班，被新何太嫌出手太低拒絕，之後林作再「加價」至100萬，之後指新何太已答允

9. 正當林作以為成功得逞，新何太即開live，直斥「腎容（信用）」有問題，指「林作我唔想同佢合作，佢出嗰啲條件同講嗰啲嘢，完全唔係佢講嗰樣嘢」

10. 林作得悉被「背叛」後，立即發爛，稱「佢同我傾條款，毫無誠意，我肯同佢傾已經好俾面，你以為你可以好似對何伯咁齋攞唔洗付出？！」越講越㷫，更指「唔應該浪費時間係個白卡度」

11. 另一方面，新何太解釋，原來出場費仍然維持10萬，計計埋埋最多只會收到135萬，而林作所指的「合作計劃」，原來是與他共同開設「煲湯 X 資產配置」 ，目標是招收一萬個學生，每人學費450元，屈指一算，林作抽咗七成水

12. 先唔講到底有幾多香港人想學煲迷暈湯，依家新何太紅過林作多多聲，一次直播都賺過萬，根本唔需要靠林作先賺到錢，新何太又透露自己最近收到多個合作邀請，使鬼同你教班教到氣咳？

13. 林作抽水不成，更被新何太話「如果好嘅有信用嘅，點會畀人盯（釘）律師牌啊？」（其實係自願除牌），之後林作不斷將此cap圖上載，似是擊中了弱點

14. 留意番，林作IG有關新何太post嘅like數，動輒過千，明顯比其他post平均唔過百多，到底真嬲定扮嬲吸流量，只有佢知，但牌面上，林作明顯total loss

15. 話時話，上年林作仲話會向JPEX苦主負全責，依家情況係點？

▼Follow 娛頭
Facebook: https://www.facebook.com/profile.php?id=61554772610166