早知MIRROR經理人團隊態度差？傳MakerVille已請「識做人」專門湊客

MIRROR復工在即，但不少人仍然不滿MIRROR幕後團隊態度惡劣，又質疑MakerVille的公關能力。早前傳媒人「千頌C」在網上發文，詳列MIRROR幕後團體多宗惡行，矛頭直指花姐的經理人團隊，今日再發文指MakerVille早知有問題，最近已找到合適人選「專湊鏡仔啲客」，直言這位人士的出現，很可能是廣告界的福音。

「千頌C」早前發長文表示，MIRROR紅館演唱會悲劇反映出ViuTV、Makerville公關手法毫無技巧可言，令整個公司及MIRROR都陷入低潮，同時爆料指MIRROR的經理人團隊態度極度不專業、目中無人，應承好合作卻反口及毫無交代，對傳媒態度尤其惡劣。

不過，「千頌C」提到不少品牌商仍然選擇繼續與MIRROR合作：「就算未去到雪中送炭嘅程度，策略上都做到『幫你做勢』效果，呢啲客都算係咁啦。不過實情係，花姐為首嘅經理人團隊未必會感恩。」

「千頌C」今日再度發文，寫道：「據了解Makerville一直都知問題所在，所以一路想揾到個真係識做人嘅account manager，專湊鏡仔啲客，最近已經揾到，好快返工。即是話，之後各大品牌、廣告界唔使直接同經理人團隊對口。希望呢位新請嘅AM壓到場，唔會俾返啲阿姐食住。」千頌C又指，之前遭因經理人反口蒙受損失的苦主，以及被惡劣對待的記者招待，亦已收到負責人親口道歉。

最後，「千頌C」又表示許多人投訴他沒有為受傷舞蹈員阿Mo（李啟言）發聲，他解釋：「咁我喺度再鄭重講多次，政府報告suppose 已經要有，但仍然冇聲氣。事件至今已兩個月，報告一直唔出，拖住唔講，對傷者其實係一個二次傷害。」