ViuTV足球真人騷《足球女將》招募24位有運動細胞的女藝人、運動員和KOL等，由零開始進行5個月特訓，成為一隊女子足球隊。節目播出以來已引起不少討論，其中23歲的「瑜伽女神」郭雅琪（Niki）在節目中的態度更成為網民討論的焦點。
Niki 因去年在香港電台節目《港台體壇123》中，穿著低胸瑜伽衫教導各款瑜伽動作，引起網民注意，IG粉絲數急升，目前已有7.3萬粉絲。不過她在參與《足球女將》的表現，卻引來網民批評。
Niki 於節目開始已「擺明車馬」地表示，她參與這節目的目的是為提高知名度「希望賺更多錢」。但訓練開始後，Niki 卻經常缺席，「焫㷫」主教練郭sir。
日前播出的一集，郭sir 更因太多人缺席而大發雷霆，而Niki因全數缺席早上的訓練，更被郭sir點名教訓。Niki 事後解釋，自己因「鬧鐘俾人撳熄咗，我聽唔到鬧鐘響，我校咗四個鬧鐘啊大佬，全部幫我熄咗。」
郭Sir在節目中提到，Niki向他表示自己有情緒問題，他亦能體諒：「之前嗰日佢應承咗我會出席今朝嘅訓練，佢之前同我講自己有啲情緒問題，夜晚瞓唔到覺，朝頭早好難起到身，如果你問我點樣鼓勵佢，我又唔想用鼓勵，因為你嚟出席訓練係最基本嘅，我會慢慢問一問佢嘅瞓覺情況先，但次次咁樣嘅話，呢個球隊係有Foul人呢個環節，你要冒呢個風險囉，如果你唔嚟嘅話。」他又透過電話向Niki說：「唔可以長期落嚟你都有特權，成隊波係公平，希望聽到一個合理嘅解釋。」
郭Sir更點名要求Niki在隊友面前就出席率回應，Niki 表示：「好sorry可能我朝頭早都冇嚟到，淨係嚟過一次，因為私人原因，可能分組同我一組，可能我有好多嘢都會唔明，呢個我承認，因為錯就要認打就要企定啦，我明嘅呢樣嘢，所以跟住落嚟呢段時間我都會出席嘅，我知我自己有問題。」她其後再向節目組表示：「雖然我有啲時候好似表現得好Hea，但係教練都會更加take care我，會監督我，我都唔好意思浪費咗佢哋一番心意。」
Niki 的表現引起網民討論，有人批評她的態度不認真，應該被淘汰：「「Gen Z整頓球壇」、「Niki真係極品」、「起唔到身夠膽講出嚟嗰吓痴線」、「4個鬧鐘嘅錯」、「Niki foul X咗佢算啦，晒咗個位做乜啫」、「嗰浸MK味真心gao唔掂」、「冇心踢就躝啦」。
Niki 日前就在IG限時動態出帖，疑似反擊寫道：「認真講句真話就MK 咁我要講咩 有邊個工作唔係為錢 大佬我7:00最早教班 喺幕後喊因為情緒問題 戒緊藥 要講出來咩？我就無講錯嘢嘅 」。不過能否改變她在網民心目中的形象，相信要視乎她往後的表現。
