香港娛樂圈好耐未有咁激嘅新聞，今日《蘋果日報》爆出許志安（51歲）和無綫女藝人黃心穎（30歲）一條車廂又攬又啜短片！許志安和鄭秀文（Sammi）經歷分手、復合，到2013年結婚，大家都以為有個美滿結局，現在爆出此偷情片段，許志安facebook已經有網民留言表示失望及戥Sammi慘，至於黃心穎男友馬國明則在約一小時前微博出圖留言：「努力工作。」
廣告（請繼續閱讀本文）
廣告（請繼續閱讀本文）
車廂片段中看到男主角許志安及起初戴口罩的黃心穎，再加多一位男友人在車內，之後男友人似乎知道有唔妥，又似乎驚出事，說要先送心穎回家，但心穎爆粗拒絕，最後先送男友人去大坑，男友人落車前，安仔還肯定說：「我返我屋企，佢返佢屋企。」男友人好像仍不放心問：「講堅？」安仔答：「堅。」不過最後似乎唔太堅，因為男友人落車後，二人又拖又攬又錫，最後兩人一同於鯉魚門落車，即係心穎屋企啦。
爆出偷情事件後，許志安facebook已經有fans在他最近一個post內留言，有人出報道link，有人問黃心穎呢，有人話對安仔好失望。黃心穎男友馬國明微博則在約一小時前出了兩張圖說：「努力工作。」應該正在拍《降魔的2》。
至於黃心穎IG則在一日前出過圖，而且翻睇心穎IG，對比衣著及人腳，事發當晚應該是4月3日，和安仔、方力申、劉浩龍梁漢文、丁子高等人出席朋友生日飯局，估唔到之後會發展到這個情況。
廣告（請繼續閱讀本文）
撰文：Tony
