「呢度就同屋企無分別，真係喺度土生土長，有好多嘢由無到有，都係呢度畀我，結婚、買車、買樓。」長沙灣熟食市場一熟食檔檔主阿B，在八十年代初出生時，爺爺剛投得檔位，從此他的成長就離不開這熟食市場。
從小幫忙 見證攤檔光輝歲月
「好似軍訓咁，因為阿爺好嚴格，同埋係自己屋企人生意，放學就放低書包，有時飯都唔食幫咗手先，因為嗰時真係好旺。」熟食市場座落在工業區附近，阿B也見證過攤檔以至本港工業的光輝歲月，他也在這些日子學會在餐廳不同的崗位工作。
在阿B二十多歲的時候，就從爺爺手中接管了生意，「壓力一定有嘅，因為嗰時環境開始有變化，好多廠都拆，生意係差咗，嗰陣接手又太後生無咩積蓄，都要靠爺爺支持。」
從不計較 贏得夥計賣力
爺爺對阿B的支持不限於經濟上，他也從爺爺身上學懂做老闆的心得，「要親力親為，唔好懶、唔好遲到，其實只要你做榜樣，所有嘢夥計都睇到，咁佢哋衰極有個譜。」阿B也與夥計們打成一片，「我唔鍾意有階級，因為曾經都打過工，我想老闆點對我，我就點對班夥計。」
就是這樣，阿B因而贏得一班為自己打拚的好員工，其中做了飲食業約廿年的琪姐，跟隨了他約八年，她大讚對方是好老闆，「佢同我哋任何一件事都無計較，甚至人工都唔會計，接觸咗呢啲老闆，你係唔會走啦。」琪姐與阿B也異口同聲說交情已經超越了主僕，彼此更像家人，琪姐更稱呼阿B的媽媽作契媽。
熟客天天見 攤檔人情味洋溢
除了員工之間，攤檔在阿B的領導下也與客人建立了一份難得的情誼，「日日做都係嗰二、三百個客，八、九成都係日日見，有啲食咗十幾年仲食緊，大家有講有笑，我諗佢哋都有返屋企食飯嘅感覺。」阿B也坦言十分享受這種感覺，「你會覺得啲人食飯都拎個心同你傾偈咁。」
排檔內，人情味也使人與人之間有更多信任。琪姐指繁忙的時候沒空收錢，客人就會自己在櫃檯留下金錢。而有光顧的中學生更指，曾試過帶不夠錢，但攤檔容許他「賒數」，雖然只是吃了一年多，但因為濃厚的人情味而喜歡這地方。
三十七年攤檔結束 嘆政府無情
可惜，政府已經決定在本月底關閉市場，意味阿B要遷出生活了三十多年的地方。雖然他認為地方殘舊，需要再發展是無可厚非，但對政府每檔只是賠償廿萬元的措施感到失望，「廿萬真係無意思，我出去頂間舖，投資真係唔止廿萬，真係要四倍、五倍，我覺得政府無為我哋去諗。」
除了廿萬元的恩恤金，他認為政府沒有其他有用的協助，「可唔可以有額外幫助，好似中小企貸款，幫我哋再創一番事業呢？其實係完全無提過，只是畀條死線你，你要就要，唔要就咩都無，我覺得有啲脅迫，三十幾年就咁走有啲無奈。」
有不少食客對市場快將結束亦感到可惜，指香港傳統特式排檔買少見少，阿B也認為拆遷並不是這裏唯一的出路，指若果可以重新選擇，自己未必輕易答應政府如此收回市場，而會爭取活化，例如改善設施與配套，「唔一定要趕我哋走嘅。」可是市場結束已成事實，阿B也在區內找到地方繼續經營，「梗係困難，真係要重新努力，喺第二度再由零開始過。」
今集《港。故》用7分鐘，帶大家到阿B的大排檔裏，感受香港買少見少的排檔風味與人情味。
-------------
《港。故》：東網每周專題習作，講故事、講香港人的故事。
Fb：http://bit.ly/oncckonggu_Fb
IG：http://bit.ly/oncckonggu_IG
Youtube：http://bit.ly/oncckonggu_Youtube
東網網站 : https://on.cc/
東網Facebook專頁 : https://www.facebook.com/onccnews/
LEO 以市民同政府身份 就可以說政府無情以業主同租客身份 業主就是仁至義盡 政府租比比你 租都唔會貴得去邊啦 比起你租私人鋪 你都識講養左你 買樓買車 通知你不獲續租 仲有廿雞賠 仲想點？ 你都知出去租市價租金是你現時3-4倍 數左你30年 仲唔感恩 政府政策非常差 但你這說法太主觀了
2019年05月19日05:43
Ching Wong 已經慳左幾十年租仲想點?唔知呢間點運作，
只知大把熟食中心平租都唔會平價
2019年05月19日05:54
豬 你咁多年，交幾錢租？你出去租地方，人地唔再租比你會賠廿萬俾你？？見係政府錢就搏命呃，食屎啦
2019年05月19日06:37
Ric🏊🚴🏃 太天真了，無情？要送你返內地，才知道禽獸淋病根本連人性都冇？
2019年05月19日05:42
OPPA LI 以極低價錢租了37年，都搵唔少啦。，還不滿足?
餐單價錢會比出面平好多嗎？
2019年05月19日10:34
顯示全部